Шо рече

Како што расте посетеноста на патеката за Смолево, така се повеќе се полни со ѓубре. Влажни марамчиња, маски, одпадоци од храна и друг смет оставаат зад себе дел од посетителите. Со ваквото неодговорно однесување згнасија уште еден дел од градот кој беше чист. Сега дел рекреираат гледајќи го сопртвеното ѓубре без грижа на совет, а им создаваат и непријатно чувство на другите посетители кои не се алкави ако нив.

Токму со реакција за расфрелениот смет на оваа локација до нашата редакција се обрати Марија Магдалена Петковска Микаровска, позната по еко акциите Мети си со Класенто.

„Се гушиме во ѓубре. Кој е виновникот, секој сам нека си процени. Секој има различно видување на проблемот и тоа е сосема во ред, меѓутоа суштината е дека ние не го цениме она што го имаме. Едно од најубавите места над Битола, секојдневно се уништува и се дави во ѓубре. Кому му се фрла ова ѓубре? Мене, лично ми е срам што сведочам на уништување на простор кој ни дарува волја во најтешките месеци на пандемијата. Место каде сите рекреативци се навлекоа да го пешачат како дел од здравите животни навики. Ова ме навраќа да се запрашам КОИ СМЕ и КАКВИ СМЕ? Би сакала да имаме акција и да го детоксицираме местото со волонтери кои ја сфаќаат значајноста на истото. Да не чекаме снегот да ни го покрие срамот“, порача Петковска Микаровска.

Пратеничката Бисера Костадиновска-Стојчевска на припадниците  на албанскиот народ им го честита празникот 22 Ноември, Денот на албанската азбука.

,,Чест и задоволство ми е што сум битолчанка заради безброј причини, меѓудругото и заради фактот што токму во Битола се одржал конгресот на кој албански интелектуалци ја унифицирале албанската азбука. Со тоа, овозможиле Албанците каде и да се, да пишуваат на ист идентичен начин, да ја заштитат и шират својата култура, традиција и посебност. Музејот на албанската азбука во Битола, денес ја чува одлуката за единствено, стандардизирано албанско писмо, како и копијата од првиот пишуван запис на албански јазик од средината на петнаесеттиот век. Наша должност, должност на државата е да ги почитува, чува и негува посебностите на јазикот и писмото на секоја нејзина заедница. На тоа нè повикуваат и европските вредности, како вредности што ги прифативме како наши на патот на интеграцијата во Европската Унија", рече пратеничката.

-И како што пред 112 години била унифицирана албанската азбука, денес е време кога ги обединуваме нашите напори за унифицирање на еден подобар, помирен, постабилен, попросперитетен живот за сите граѓани на Република Северна Македонија. Предуслов за тоа е взаемно почитување. Само така можеме да се надеваме дека нашата заедничка историја ќе ја зачуваме, нашата заедничка сегашност ќе ја потврдиме и нашата заедничка иднина ќе ја обезбедиме, додаде Костадиновска- Стојчевска. 

Ковид центарот во Битола секојдневно води беспоштедна и макотрпна борба за спас на пацинетите заразени со ковид-19. Секојдневно бројот на пацинети со тешка и вонредно тешка клиничка слика на болеста расти. Хоспитализирани се 83 пацинети, со што капацитетот е исполнет. Подготвен е Одделот за физикална медицина кој во текот на оваа недела треба да се отвори и да почне да згрижува пацинети, рече на денешната прес конференција д-р Ели Димитровска, специјалист инфектолог од Ковид центарот при Клиничката болница во Битола и член на Комисијата за здравство при СДСМ Битола.

Градоначалничката Наташа Петровска запрашана за коментар по вчерашните обвинувањата на опозицијата  од Советот дека училиштата во Битола се одблокирале со пари од државната каса, а Општината не учествувала во тоа, одговори дека не е точно зашто од вкупниот вратен долг од 4,5 милиони евра, од општинскиот буџет беа дадени 1,8 милиони евра.

Лични искуства за текот на болеста и низ што минуваат заразените од КОВИД-19 споделуваат битолчанки на групи на социјалните мрежи.

Министерот за здравство, Венко Филипче, апелира празниците и славите кои доаѓаат, да ги прославиме во кругот на семејството

Во овие тешки моменти кога епидемијата галопирачки се движи во нагорна линија и кога бројот на заболени од ден на ден руши црни рекорди достигнувајќи ја бројката од 1085 заболени денес, со скоро 1000 смртни случаи за изминативе седум месеци, би сакал уште еднаш со Вас да споделам некои мои размислувања, совети, неспорни факти и препораки.

Во организација на Младинскиот културен центар од Битола се одржа панел дискусија на тема „Ефектите од економските мерки на Владата за справување со кризата од КОВИД-19 врз стопанството во Битола“.

Настанот се организира во соработка со Локалниот економско социјален – совет на Општина Битола којшто ја издвои оваа тема за дискусија поради наејзината актуелност а со цел да им се даде можност на битолските стопанственици да дискутираат на темата и да извлечат заклучоци и решенија кои заеднички би ги адресирале до донесувачите на одлуки на локално и национално ниво.

„Заврши првата фаза на евалуација од целокупната постапка за доделување на високоефикасни инвертер клима уреди. Средствата обезбедени за реализација на овој јавен повик се воедно и една од најголемите инвестиции досега во насока на подобрување на квалитетот на живот. Без лажна загриженост, без приказни за Божји сили, ова е навистина сериозен исчекор во борбата против аерозагадувањето. Да не го забораваме фактот дека ова е првпат државата во рамките на планот за чист воздух да даде 2,5 милиони евра за кои се заслужни и АД ЕСМ кои ги обезбедија средствата, Владата на РСМ која овозможи механизам за трансфер на тие средства, па се до одлучноста на Општина Битола да ја спроведе целата постапка“, рече Татјана Крнчева, советник од СДСМ во Советот на Општина Битола.

Ракометниот клуб Еурофарм Пелистер денес во Данска ја започнува новата авантура во европскиот ракомет. За жал, во време на корона, тешко дека ќе имаме можност да го бодриме од трибините и кога ќе игра тука во Спортската сала Боро Чурлевски.Без разлика на околностите, сигурен сум дека битолчани ќе го бодрат својот клуб каде и да игра, кога и да игра, изјави на денешната прес конференција Претседател на СДММ Битола, Петар Николовски.

„А, до пред само една година, врвен европски ракомет битолчани гледаа само на телевизија. Локалната самоуправа предводена од СДСМ покажа дека со искрен и сериозен пристап кон спортот, Битола може да се радува и на Лига на шампиони.

Во филателистичкиот материјал во Македонија, а и поранешна Југославија, кој се состои од  поштенски марки, поштенски блокови, жигови (печати), карнети, пликови и друго Илинден и македонските револуцинери редовно биле присутни.

Од македонските војводи најчесто бил илустриран Гоце Делчев на поштенските марки што се користеле уште во социјалистичка Македонија. Поштенска марка со неговиот лик се ставала во 1984 година, а сликата била преземена од дело на Димитар Кондовски. Имало и други поштенски марки кои најчесто се печателе по повод јубилеј од неговото раѓање или смртта (1872-1903). Печат со неговиот лик во Штип бил изработен на сто годишнината од неговото раѓање, поточно во 1972 година.

Login to your account

Username *
Password *
Remember Me
© 2020 АПЛА.мк. Сите права се задржани