Шо рече

Колку и да изгледаат на прв поглед разочарувачки денешниве 132 нови случаи, сепак веќе ги забележуваме првите знаци на исцрпеност на трендот, пишува во своите математичко-статистички  анализи редовниот професор на Техничкиот факултет во Битола, д-р Дејан Трајковски, без да навлегува во медицинските аспекти.

На денешниот состанок на Oпштинскиот кризен штаб се разговараше за актуелната состојба со пандемијата од КОВИД 19. На ниво на Општина Битола, бројот на нови случаи е мал, но континуираното превентивно делување, како и одговорното однесување од страна на граѓаните и редовните постапувања од страна на надлежните инспекторати и СВР Битола, остануваат главна насока за понатомошно делување.

По 60 години реконструиран е регионалниот патен правец Р 1101 делница Прилеп-Тополчани- Битола кој поврзува двете општини во Пелагонискиот Регион, рече на денешнмата прес конференција градоначалничката на Општина Могила, Јасмина Гулевска.

 

За да не се создава метеж во училиштата при уписите на ученици во прва година, уписните рокови се продолжени за неколку дена, а при подигањето на свидетелствата од основните училишта, на учениците ќе има се даваат и пријави за во средно.  

 

„Уписите на учениците се намерно продолжени во повеќе денови. Пратени се насоки во училиштата, посебно во оние каде бројот на ученици во изминатите години бил поголем од бројот предвиден во конкурсите, тие уписи да траат наместо два четири дена. Резултатите за учениците кои се запишуваат во средните училишта во прва година ќе бидат истакнати после 15 часот во петок за сите средни училишта. Училиштата имаа задача да подготват по азбучен ред по презимињата на учениците списоци на вратите од училиштата, а медиумите да помогнат на локално ниво со објавување за да не се создава метеж во еден ден пред училиштата. Сите четири дена од уписите подеднакво е правото на ученикот да конкурирта. Дали ќе ги достави документите првиот или последниот ден рангирањето ќе се споведува дури во петок по завршување на уписите“, рече заменик министерката за образование Елизабета Наумовска. 

Исцрпени се сите потреби Мила Цароцска да продолжи и понтаму и да ја извршува вицепремиерската функција и да покрива ресор економија зашто ситуацијата е очајна, рече Силвана Ангелевска, кандидат за пратеник на ВМРО ДПМНЕ во петатта изборна единица, на прес конференцијата која  ja одржа веднаш по посетата на Царовска во Офицерскиот дом. 

Советот да донесе заклучок со кој ќе се поднесе барање до Основното јавно обвинителство и други надлежни институции за да се истражи случајот со реновирањето на Домот за стари лица „Сју Рајдер“ во Битола од времето на Валдимир Талески, побара на денешната седница координаторот на советниците од СДСМ и коалицијата, Методија Илиевски.

„Бидејќи мораме да ги санираме остатоците од претходната власт, предлагам во име на транспаретноста и расветлувањето на вистината до крај, да донесеме одреден заклучок за поднесување на барање до ОЈО и другите надлежни инстутуции за истражување на случајот со реновирање и реконструкција Домот за стари лица ‘Сју Рајдер’ павиљон 1 и 2. Ова барање е врз основа на договорот заверен во Министерството за локална самоуправа по број 10/117/3 од 19.12.2011 година поради постоење основи на соменвање за сторено кривично дело. Со ова сакам да се заокружат сите искажани шпекулации дека Општината нема да поднесе соодветни мерки за расветлувањере на овој случај“, рече Илиевски.

Од 5 јуни сум на годишн одмор, односно го користам ланскиот одмор, одговори кандидатот за пратеник на СДСМ, Горан Козаров, на обвинувањата на ВМРО-ДПМНЕ, дека како директор на ЈП „Водовод„ тера партиска агенда во работно време.

Очекуваме најбрзо што е можно да отпочне рехабилитација на постоечкиот пат од Битола до Меџитлија, а кон крајот на јули или почетокот на август ќе заврши и проектирањето на обиколница со експресен пат од Битола за грчка граница, најави министерот за транспорт и врски, Горан Сугаревски во Битола.

„Во Пелагонискиот Регион силна градежна офанзива. Во моментов се гради дел од Фариш до Дреново во завршна фаза е патот. Завршен е патот од Битола преку Тополчани до Прилеп, реконструирани се 16 километри. Патот од Битола за Демир Хисар голем дел е завршен, ќе продолжат следните 20 километри да бидат завршени во следниот период. Ќе отпочне рехабилитација на патот од Битола до Меџитлија постоечкиот, очекуваме тоа најбрзо да се случи и до крајот на летото да заврши проектирирањето на експресниот пат Битола- Меџилија за понатаму да се рапишат тендери“, рече Сугарески.

Карантинскиот викенд во дел од општините во земјава, вчера го наполни Пелистер со туристи од други градови. Националниот парк со месеци не памети толкава посетеност со туристи од земјава.  Видно беше присуството на семејства и друштва од Скопје, на паркинзите имаше возила со скопски таблички, па дури и комбиња кои превезуваа туристи од други градови. 

Низ планинарските патеки, покрај шетачи со спортска опрема, можеа да се сретнат и гости по фармерки и чевли. Некои коментираа дека очекувале на Пелистер да се искачат со жичница и да пијат кафе на Копанки. Но, жичницата не работи преку лето на Пелистер, а на Копанки нема кафе откако изгоре планинарскиот дом пред седум години. Посетителите можеа да се освежат само во хотел „Молика“ кој од 28 мај за гости ја отвори летната тераса со задолжително почитување на протоколот за работа во услови на пандемија со КОВИД-19.

Во Битола на чија територија спаѓа и Пелистер, полицискиот час деновиве почнуваше од 16 часот и траеше со пет часот наутро. Тоа што градот не беше затворен 24 часа, привлече многу битолчани кои живеат во Скопје и градови каде имаше карантин, како и други гости викендов да го минат во Битола. Полни беа и вилите во подплеистерските села. Туристи од Скопје имаше во Преспа, каде досега  не е регистриран ни еден заболен од КОВИД-19. На мапата на домашните гости беа Брајчино, Дупени, како  пешачката патекла од Претор до  Крани.     turisti pelister 2

пелистер туристи

Од петокот до денес инспекцијата утврди 22 непочитувања на владините мерки од страна на категоризираните сместувачки и угостителски објекти во туристичките места во земјава. Меѓу нив се и пет угостители од Битола, а направени се прекршувања врз основа на членовите 205 и 206 од Уредбата и за истите ќе бидат поднесени кривични пријави.


Од прекршувањата 8 се во Охрид, 4 во Струга, 5 во Битола, 3 во Дојран, и по едно во Маврово и Кочани. При направените надзори било утврдено присуство на гости во сместувачките објекти иако засега тоа не е дозволено. Исто така кај двајца угостители од Охрид е утврдено непочитување на протоколите и работното време.

Државниот пазарен испекторат во моментот е со засилен надзор на правни субјекти кои вршат угостителска дејсност во повеќе градови, а контроли се вршат со полициска асистенција со цел да обезбеди максимално почитување на мерките и протоколите за заштита од КОВИД-19.

 

„Небулози и површни тврења“, вака претседателот на Советот на Општина Битола, Валентин Груевски, ги оцени обвинувањата што вчера од Скопје ги упати Иванка Василевска од ВМРО-ДПМНЕ за битолска тема, поточно дека со објавениот оглас за финансиска помош на здруженија и спортски клубови се вршел поткуп на гласачи во предизборието.

„Се работи за процедура која оди секоја година во овој дел од годината и која претходно е потврдена со одлука на Совет донесена во декември 2019 година. Огласот кој го објавуваме се носи на Комисија за финансии на која јас сум претседател , но овој оглас го изгласа присустните членови на Комисијата едногласно , не присутвуваше само еден член на комисијата. Тоа се членови од сите политички партии и ни еден од тие членови немаше забелешка ни за времето на објавување, ни за содржината, а седницата на Комисијата беше на 20 мај. Има записници за тоа“, рече Груевски.

Нема пријави за угостителските објекти во Битола, почит кон угостителите, рече Стојко Пауновски, директир на Државниот пазарен инспектират. 

,,Слободно можеме Битола да ја пофалиме дека во овие неколку дена немаме ни кривични, ни прекршочни пријави. Опомени има доста, но кривични пријави има во Скопје, Охрид, Струга, Струмица, Штип, Гостивар, Тетово. Битола за среќа нема и ова е за почит кон угостителите. Тие или ги почитуваат протоколите или ќе провериме да не е нешто до инспектирите", рече директорот на Пазарниот инспекторат на денешната прес конференција. 

Тој додаде дека инспекциските служби остануваат на ререн и ако се почитуваат протоколите за работа во угостителските објекти, ќе има за многу скоро време нови олеснувања. 

По вчерашната посета на Битола на Радмила Шеќеринска, министер за одбрана и носител на  листа од СДСМ во 5 ие, денеска на прес конференција реагираше Бојан Бојкоски кандидат за пратеник од Битола од ВМРО ДПМНЕ

Колку возила учествуваа при вчерашната сообраќајна несреќа на улицата „Партизанска“ во Битола? Според очевидци на настанот, жители од околните згради, кои за време на судирот биле на улица во несреќата учествувале пет возила, некои посериозно оштетени, а некои поминале без посериозни оштетувања.

Полиција, пак, дури денес излезе со информација за сообраќајната несреќа. Во него пишува дека се судриле само две возила.

Login to your account

Username *
Password *
Remember Me
© 2020 АПЛА.мк. Сите права се задржани