АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
-Денеска се потсетуваме на плејадата борци кои ги положија своите животи за одбрана на татковината, Република Македонија. Нека им е вечна слава, рече претседателот на битолата боречка организација Александар Трајковски, кој на учениците им одржа историски час за овој настан.
Градоначалничката Наташа Петровска рече дека идеалите на овие луѓе треба да бидат мотив за денешните генерации
-Се наоѓаме на ова место да се потсетиме на 250 политички затвореници од антифашистичката борба во Втората светска војна за слобода на Република Македонија. . Овде сме не само да се потесетиме туку и длабоко да се поклониме на нивното дело. Тие луѓе покажаа како може и од затвор и во тешки услови да се делува за својата татковина и да се борат за нејзината слобода. Тоа нека биде мотив за сите нас денес, да се избориме Република Македонија да влезе во обиденета Европа, да бидеме Македонци, со македонски јазик и да си ја сочуваме вредноста за која сме се бореле сите изминати години. Тоа е нашиот долг и заветот од минатите генерации, рече градоначалничката Петровска.
апла.мк
На денешен, 6 септември, 1944 година
На денешен ден 6 септември 1944 година, се случило бегството на политичките затвореници од Централниот областен фашистички затвор во Битола. Обласниот централен затвор бил отворен во јули 1942 година во близината на Црн Мост каде беа затворани политички затвореници од целата битолска околија.
Фашистичкиот воено-полев суд во Битола изрече казни на над 250 учесници во Народноослободителното и антифашистичко движење. Над 50 од нив беа осудени на смрт со бесење, над 20 беа осудени на доживиотна робија, а другите на временски казни со строг затвор од една до 20 години.
Цело време таму функционираше затворски комитет на комунистите, кој од средината на 1944 година формирал и затворски воен штаб, кој пак беше ангажиран околу поодготовки на бегството на политичките затвореници. Во затворот излегоа три броја на илегалниот затворски весник "Наш пат".
Соочени со поразот на фашистичката власт Управата на затворот, три дена пред капитулацијата на фашистичка Бугарија беше приморана да дозволи да се отворат затворските порти и околу 120 политички затвореници избегаа од него. По бегството од затворот сите политички затвореници успешно се вклучија во завршните операции на македонската војска за конечно ослободување на Македонија од фашистичка окупација.
подговтил д-р Александар Литовски
