АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
"Го промовираме новоизградениот локален пат во должина од 3 километри со кој после неколку децении со силни заложби го олеснивме пристапот до ова населено место. Реализиравме уште едно ветување дадено пред жителите на село Тепавци .Станува збор за инвестиција финансирана од Влада на РС Македонија преку Агенцијата за финансиска поддршка во земјоделството и руралниот развој од Програмата за финансиска поддршка на руралниот развој .Изградбата и асфалтирањето на овој локален пат е во вредност од 18.901.948 денари, инвеститор е Агенцијата за финансиска поддршка во земјоделството и руралниот развој“, рече градоначалникот Кузманоски.
Пред да се изгради асфалтниот пат, до Тепавци иако е на неколку километри од Новаци, се стигнуваше многу тешко. Патот беше земјен, со дупки, кривини, необележан, од него излегуваа и други патчиња, па до селото се стигнуваше само со локален жител кој добро го знае местото. Да се патува до Тепавци со лесно возило значеше да се оштети автомобилот. Со сегашната инсветиција местото веќе не е како што знаеше да каже локалното население „на крај на светот“ туку сега е во срцето на Пелагонија.
„Ова е локално место со педесетина жители, но не е важна локацијата, туку знајачно е секој жител да има лесно пристапен пат до местото каде живее, до градот и до другите објекти. Секој жител е значаен. Важно е да има брз транспорт, а бидејќи населението тука се занимава со сточарство, да има и брз дотур на храна за стоката“, рече министерот Димковски.
Општина Новаци во соработка со средства од Платежната агенција го изгради и локалниот пат од крстосницата кај селата Старавина и Будимерци до манастир Св.Атанас во село Старавина во должина од 811 метри и вредност од 4.600.000 денари што значително ќе придонесе за развој на манастирскиот туризам од овој крај.
„Програмата за рурален развој е одличен пример за тоа како се подобруваат условите за живот во руралните средини. Ние како локална самоуправа подготвуваме бројни инфраструктурни проекти кои се од приоритено значење за локалното население од понеразвиените населени места од нашата општина и максимално ги искористуваме средставата од Програмата за финансиска поддршка на руралниот развој. Како локална самоуправа се залагаме за подобрување на квалитетот на живот во секое населено место со цел подобар и поквалитет живот на секој жител",истакна градоначалникот Кузманоски.
