Познатата американска ладино пејачка Сара Ароести, Еврејка со битолско потекло, која денес живее во САД, ќе ја препее „Битола Бабам Битола“ во новиот голем музички проект што го подготвува. Ароести, чие смемејство порано живеело во куќата на Широк Сокак каде што денес е пицеријата „Равена“ и Сојузот на синдикати, дојде во Битола за да учествува на обележувањето 77 години од депортацијата на битолските Евреи.

Белградскиот мецосопран Ана Синицки деновиве со родителите ја посети Битола, градот од каде потекнува нејзиното семејство. Мајка ѝ е битолчанка, а татко ѝ има руско потекло, но и тој живеел во Битола.

Иако Ана е родена во Белград, а досега живеела во Србија, Италија и САД,  таа вели дека во срцето се чувствува како битолчанка.