АД ЕСМ денес потпиша договори за финансиска поддршка на спортски клубови од Битола по основ на таканаречен спортски ваучер систем. РК „Пелистер“ ќе добие 8,5 милиони денари, КК „Пелистер“ 2,5 милиони денари, ФК „Пелистер“ поддршка од 1 милион денари, ЖРК „Пелистер“ 750.000 денари. Поддршка врз основа на спонзорства и донации ќе добијат и Кугларскиот клуб Пелистер и Женскиот фудбалски клуб „Топ гол“.

Вработените на АД ЕСМ од дирекцијата и од подружниците во Скопје, Битола, Тетово, Гостивар, Струга и Кавадарци се вклучија во државната акција за чистење која се спроведе денеска.