Новинарот Лазеревски разговара со началникот на Комуналниот отсек во Општина Битола, Томе Николовски, за динамиката со кои се изведуваат овие проекти, кој одговара на прашањата до каде е изградбата на Олимпискиот базен кој се гради веќе 5 години, улицата Борис Кидрич, зборува за изградбата на новата типска населба „Тријаголник“ во Бела Чешма, за изградбата на улиците „Иван Милутиновиќ“ и „Прилепска“, а таа пролет во 1960 започнала и обнова на улицата „Маршал Тито“, денешен Широк Сокак.

Николовски одговара дека базенот се очекува да биде готов таа сезона, за што се обезбедени дополнителни 3 милони динари од Општина Битола за негово довршување. Вели дека на улиците „Прилепска“ и „Иван Милутиновиќ’ ќе започне изградба на канализациска и водоводна мрежа, а најавува и асфалтирање на патот за Хераклеја од фабриката Прогрес до Буковска река. Објаснува дека новиот станбен блок „Триаголник“ било поекономично да се гради на место каде не треба да ништо да се урива