Со право на субвенционирање на инвертер клими ќе можат да се стекнат носители на домаќинства кои живеат на една од утврдените зони, кои користат огревно дрво и во изминатите 5 години не користеле средства од општинскиот или државниот буџет за инвертери или печки на пелети.

Општината ќе објави јавен повик во кој ќе бидат наведени сите критериуми.

Распределбата на средствата ќе се врши по принципот „прв дојден прв услужен“. За утврдување на постапката од јавниот повик ќе утврдува комисија составена од вработени во општинската админситарција и членови на Советот  на Општина Битола

Комисијата ќе изврши попис на печките на огревно дрво кај добитниицте на субвенции, ќе бидат ставени налепници и ќе бидат одземени од Општина Битола. Кај оние добитници на субвенции кај кои нема да се затекнат грејни тела на дрва или ќе одбијат да ги предаат, ќе го изгубат правото на субвенција.

Исто така, корисникот на субвенција ќе треба да достави изјава потпишана на нотар дека во наредните 5 години нема д аго демонтира клима уредот и нема да користи огревно дрво или друг вид нееколошко гориво за затоплување на станбениот простор каде ќе биде монтиран инвертерот. Во тој период од 5 години, Општина Битола ќе врши контрола кај корисниците на субвенции. 

Едно домаќинство ќе може да искористи субвенција од максимален износ од 62 илјади денари, а максимално ќе бидат субвенционирани 2250 домаќинсвта