Синоќа  во 22.30 часот во СВР Битола е пријавено дека во изнајмен објект на ул.Елпида Караманди во Битола каде се одржувала прослава биле присутни малолетни лица кои конзумирале алкохол. Полициски службеници од Оделението за криминалистичка полиција, Отсекот за општ криминал при СВР Битола и Полициската станица Битола излегле на местото на настанот и констатирале присуство на малолетни лица и дека постои основано осмнение за сторено кривично дело „Точење алкохолни пијалаци на дете“ казниво по чл. 204 ст.1 од Кривичниот законик. 

 На 09/10.09.2022 во времето од 22-02.00 часот полициски службеници од СВР Битола-ОКП Битола при вршење на акциска контрола според планот „Безбедно лето 2022 “ во повеќе угостителски објекти, обиколка на школски дворови, паркови, паркинг простори, игралишта во Битола, затекнале малолетници  кои се послужени со алкохолни пијалаци и кај кои било утврдено присуство на алкохол. Малолетниците во присуство на претставник од Центарот за социјална работа се предадени на родителите.