Децата од детскиот хор „Ѕвончиња“ од Битола беа седмата тура од проектот „Да го запознаеме Н.П. Пелистер“ во организација на здружението „Дојди, види, уживај“ предводено од  туристичкиот водич Горан Пинза. Тој организираа едукативно-рекреативни екскурзии на Пелистер, а целна група се основците и средношколците, но не постои горна граница за лицата кои можат да се вклучат во оваа активност на спознавање на природните убавини на првиот национален парк во земјава и неговите реткости. Иако Пелистер е на неколку километри од Битола, не е мал бројот на деца и млади кои ретко го посетуваат.

-Ја поздравувам иницијативата и борбата на Горан за да ги запознае децата со убавините на Пелистер, како да ја сакаат, почитуваат и чуваат природата и нејзините жители. Она што не се познава, не може да се сака и да се негува! Со многу измешани мисли и емоции го напуштив националниот парк. Зошто? Затоа што она што го видов во очите на децата, насмевките, среќата, зацрвенетите обравчиња, дружењето, нивната желба за истражување, прашањата кои му ги поставуваа на водичот...ме исполни со огромна радост од една страна и лутина од друга, што како општество многу малку или воопшто не обрнуваме внимание на вистинските вредности кои ги имаме и со што треба да ги "храниме" нашите деца, духовно, ментално, емотивно, физички и интелектуално. Се што читам, се политички статуси на препукување и омраза...После пандемијата, компјутерите и стресовите, требаше децата организирано, секој ден да ни се на Пелистер и да го засилуваат својот имунитет со чист кислород и развивање на белите дробови. Погледенете ги сликите, слушнете ја нивната песна( со колкава љубов ја снимивме и ја пееме првата детска химна на Битола, напиша на ФБ Марина Коруновска, диригент и уметнички раководител на десткиот хор Ѕвончиња.

Деновиве од печат ќе излезе новата туристичка мапа за Битола за сезоната 2019/2020. Ова е трето издание, првата мапа излезе пред три години, па најновата ќе биде многу побогата и посодржинска. Таа содржи брошура од 32 колор страни плус туристичка мапа печатена двострано во 15.000 примероци и што е најважно, ќе се дистрибуира бесплатно на 50 локации и тоа до мај идната година.

Печатена верзија на туристичката мапа на Битола деновиве се дистрибуира низ градот на педесеттина локации,  во НП Пелистер, на граничниот премин Меџитлија и кај дел од такси превозниците.  Туристичката агенција „Глобус клуб“ во соработка со „Инс Медија“ втора година по ред изработија туристичка мапа во 15 000 примероци која е сосема бесплатна.

Во ценатрот на Љубљана, Република Словенија , вчера се одржа презентација на посебностите на нашата држава на која учество зедоа неколку македонски културни и фолклорни друштва кои функционираат во Република Словенија и ја одржуваат македонската традиција.

На штандовите кои беа поставени на неколку метри од познатото Тромостовлје се нудеа македонски специјалитети, вино, рачни изработки на накит... Најголемо внимание привлече делот за туризам на кој минувачите можеа да се запознаат со дел од туристичкиот потенцијал на нашата земја, беа презентирани  убавините и туристичкиот потенцијал на Битола  како и Националниот парк Пелистер.

-Ова за нас е очекувано, имајќи го предвид  долгогодишниот интерес и желба за посета на пријателите Словенци. Тие се заинтересирани да ја посетат Р. Македонија и да се присетат на некои поранешни времиња. Нашата земја им буди спомени од младоста, период од животот во кој веќе биле во Македонија и се интересираат да видат што и колку се променило. Ние сме тука тоа да им го прикажеме, ни  изјави Горан Пинза, сопственик на туристичката агенција „Глобус клуб“ од Битола , кој  присуствуваше во Љубљана. Пинза по мајка е Словенец и, со голем ентузијазам и желба за промоција на Битола и Р. Македонија, долги години работи на полето на привлекување на странски гости во нашиот град.

-Потенцијалот кој го поседуваме како регион и држава е навистина огромен. Словенците, но и сите останати многупати се изненадени од тоа колку е богата нашата понуда. Културно наследство, природни убавини, извонредно богата историја со значајни настани, минерални извори, еколошки здрава и вкусна храна се само дел од адутите кои ги имаме и треба да ги искористиме. За жал, не сакаме или не знаеме да ги искористиме истите и многу заостануваме на полето на туризмот, а региони и земји со далеку поскромна понуда имаат многу повеќе туристи и остварени ноќевања, раскажува Пинза по настанот во Љубљана.

Настанот беше организиран од Амбасадата на Република Македонија во Словенија и од невладината Виа Мкц, која им помага на македонските студенти во Љубљана и околината