Во соопштението што Општината го испрати до медиумите и ПСК "Пелистер" пишува дека е подготвена да изврши целосна реконструкција, меѓутоа е спречена поради приватната сопственост на домот.

„Имајќи ги во предвид нашите претходни средби и разговори, а со цел конечно да го возобновиме функционирањето на објектот, ги покануваме да го отстапат на општината под услови прифатливи за нив како би можеле целосно финансиски да го реализираме проектот, стои во соопштението на Општината. .

Планинарскиот дом Копанки изгоре пред пет години. Од ПСК "Пелистер" велат разговарале со градоначалничката,  а за ваквиот предлог ќе треба да разговараат на Собрание на клубот и да одлучуваат. Потоа, ќе ја известат Општината и јавноста.