Градоначалничката Наташа Петровска, денеска потврди дека во текот на вчерашниот ден, се направија напори ЕВН да не ја исклучи електричната енергија во училиштата кои имаат со години непалтени сметки и да се овозможи образовниот процес да се одвива непречено. Но, вели, долгот мора да се пoдмири.

-Во моментот на ниедно училиште не му е исклучена струјата, факт е дека училиштата должат и по основ на неплатена струја. Всушност долгот на училиштата во општина Битола е над 4,5 милиони евра, но  не само по основ на струја. Ние бараме  кој е начинот и моделот за да не дојдеме во ситуација на исклучување на струјата на училиштата. Тоа беше една и една од битките што ја имавме вчера. Факт е дека мора да се пронајде начин како  тие долгов да се подомират, потребно е да се вклучи  не само општината, туку и држававата. Долговите не се настанати сега, станува збор за долгови кои што се таложеле години наназад, изјави Петровска. 

Покрај неплатена електрична енергија, училиштата должат и за школски превоз, за комуналии и др. Десетина од нив, со години  имаат блокирани сметки, заради што се соочуваат со проблеми во работењето