Започна реновирањето на дел од месната заедница „Димитар Влахов“ и реконструкцијата на игралиштето во нејзина непосредна близина. Со средства од над 400.000 денари обезбедени од Швајцарската агенција за развој и соработка, заедно со невладините организации „Преда плус“ и „Баирска светлина“, се изведуваат реконструктивни зафати за адаптација на месната заедница, а Општина Битола обезбеди од 450.000 денари. Во реконструкцијата ќе се вклучат и битолските јавни претпријатија. За локалното население, овие два проекти ќе имаат големо значење.

Државниот ученички дом „Мирка Гинова“ во Битола го менува својот лик, а со реконструкцијата се создаваат далеку подобри услови за 310 ученици кои престојуваат во домот. Од фотографиите направени пред реконструкцијата и по неа, може добро да се види во какви услови престојувале учениците, а како сега изгледаат нивните соби за што од Министерството за образование и наука се вложени 110 илјади евра.

Започа реконструкцијата на улицата „Илинденска“ во Битола во должина 2,1 километри , која ќе се спроведе во три фази. Санацијата на оваа улица ќе ја опфати примарната и секундараната канаизациона и водоводна мрежа и коловозот, а вакви темелни зафати на оваа сообраќајница не се спроведени повќе од 40 години. Од општинскиот буџет издвоени се  со 32,7 милиони денари или над 500 илјади евра.