„Одлуката за прекинот на работниот однос на шесте медицински сестри не е моја, јас само ја спроведов правосилната одлука која беше извршна,а донесена од Апелациониот суд на Битола“, рече на денешната прес конференција диркеторката на Здравствениот дом од Битола, Весна Спиркоска. Со одлука на Апелациониот суд отказ од работа добија шест медицински сестри вработени на конкурс од пред две години, откако две други кандидатки тужеа. Апелациониот суд одлуката ја донесе во јуни годинава.

Денес се регистрирани 10 новозаболени битолчани што е рекорден број во последните месеци. Податокот е објавен на фб профилот на министерот за здравство Венко Филипче, како и од Институтот за јавно здравје.  Од појавата на пандемијата со ковид-19, само еднаш Битола на дневна основа имаше повеќе заболени , дури 11, инаку сите други денови бројките беа помали. Од центарот за јавно здравје во Битола, пак, соопштија дека не се десет, туку 9 заболени.  Оздравени се четворица битолчани. Од појавата на пандемијата до сега се заразиле  354 битолчани, а 84 се активни случаи.

Откако за една година споменикот на италијанските војници во Градскиот парк во Битола два пати беше цел на вандали кои го кршеа и ја крадеа фигурата во жолто-златна боја, синоќа ова спомен обележје беше исчкртано со црн спреј.

По повод  Денот на наставникот Апла.мк успеа да издвои десет битолски учители, наставници и професори чии дела оставаат траг во просветната дејност во градот. Изборот е направен од наставен кадар кој оставрил соработка со нашата редакција, инаку секако дека бројот на про9светни работници кои пожртвувано работат во Битола е многу поголем.