Оваа одлука беше едногласно и заеднички донесена од причина што сметаме дека прашањето за чистиот воздух е прашање по кое не смее да постои политиканство и политичка манипулација. Ние постоиме за Битолчани и се формиравме со цел постојано да ја имаме информацијата за тоа каков воздух дишеме и оваа наша задача е приоритет кој не зависи од политичкиот субјект која е на власт.

Платформата ЗЕМИ ЗДИВ и нејзините основачи се секогаш отворени за соработка и со задоволство ќе ги прифатиме сите покани за учество во процесите на креирање на политики и креирање на мерки за справување со проблемот на загадениот воздух на локално и национално ниво кои ќе следат во периодот после изборите, а податоците кои ги генерираме преку нашата мрежа се достапни за сите оние на кои ваквите информации би им биле од корист.

Срдечно Ве поздравуваме и се надеваме дека оваа наша Одлука ќе биде добронамерно прифатена од сите политички субјекти.

Со почит,
Платформа ЗЕМИ ЗДИВ Битола