АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Октомври 30, 2024
СДСМ: ЈП Пазари книжи загуби од над 3 милиони денари
Април 26, 2023Интегрален текст од прес конференцијата на Елена Кромидаровска, советник од СДСМ
Јавното претпријатие Пазари е во загуба од 3.149. 562 денари.
Од доаѓањето на власт во Битола, коалицијата предводена од ДПМНЕ на чело со градоначалникот Тони Коњановски, успеа ова јавно претпријатие, кое беше пример за многу други во државата, да го претворат во загубар.
До пред една година, Пазари важеше за јавно претпријатие кое е пред времето – прво инсталира фотоволтаици за да штеди струја, заедно со градоначалничката Петровска го реновира просторот и управната зграда, а сега книжи над 3 милиони денари загуба. Ако не беа субвенциите од општината и градоначалникот Коњановски, Пазари не ќе можеа да поделат плата на вработените.
Тоа е успехот на директорите од ДПМНЕ и коалицијата, тоа е заслуга на градоначалникот Тони Коњановски!
Од материјалите доставени до советниците, не е тешко да се разбери зошто Пазари е на работ на пропаст. Во Пазари лани се потрошиле над 160.000 денари за канцелариски материјали, за агенциски вработувања над 2,5 милиони денари, за останати надоместоци на вработени над 200.000 денари, трошоците за управниот одбор на Пазари се фантастични 540.000 денари, а претпријатието и покрај тоа што е во загуба од над 3 милиони денари, потрошило над 300.000 денари за спонзорства.
Ова е класичен пример за безмилосно трошење на парите на битолчани за партиски цели и за лични удобности. Дали директор се вика Никола Гацовски или директорка е Соња Карапашовска, за Пазари и за Битола нема разлика. Матрицата на ДПМНЕ и коалицијата е непроменета од времето на Двојче и компанија – да се разграби колку што се можи повеќе, да се натрупаат долгови во јавните претпријатија и да се закочи било каков развој на Битола. Прашање на време е кога Пазари ќе прогласи стечај, кога ќе поскапи тезгарината, кога вработените ќе останат без плата, а Битола без зелен пазар.
Најголемата одговорност за катастрофата во Пазари и во останатите јавни претпријатија во Битола, “лежи” кај градоначалникот Тони Коњановски. Тој ги назначува директорите и тој треба да побара одговорност од нив за недомаќинското работење. Ама, Коњановски не бара одговорност од неспособните директори оти и самиот за една година потроши над 30 милиони евра, пари на граѓаните, а не реализира ниту еден проект за подобар живот на битолчани.
СДСМ за завршната сметка на ЈП "Комуналец"
Април 25, 2023Интегрален текст од прес конференцијата на Борче Корлевски, советник од СДСМ
На сатиричен начин координаторот на советничката група на СДСМ Методија Илиевски денес им додели пофалници на сите директори на јавните претпријатија од Битола за како што речЕ, со иронија да ги пофали за постигнатиот успех што дел од нив имаат завршни сметки со загуби. Ова се случуваше за време на денешната седница на Совет на која на дневн ред беа извештаите за финансиското работење на деветте општински јавни претпијатија. Тој даде пофалници и за градоначалникот Тони Коњановски и претседателката на Совет Габриела Илиевска за изборот на менаџерскиот тим што ги води претпријатијата.
„Ако успеавте од позитива или од позитивна нула како што ги презедовте јавните претпијатија за една година да ги доведете до загуба, што ќе се случи со нив доколку продолжите со истоито темпо по една или две години? Ќе треба да ги затворите и да прогласиме стечај! Моменталната состојба на јавните претпријатија е полоша и од времето на Двојче. Ние нема да продолжиме да учествуваме во ваква лакрдија и пазарење, имаме дневен ред со повеќе од 80 точки, се исцрпуваме со 10 часовни седници, а напредок нема“, рече Илиевски, по што советниците од опозиционата СДСМ ја напуштија седницата и не гласаа за завршните сметки на претпријатијата.
Според извештаите образложени пред Советот, дури четири од девет јавни претпријатија имаат завршна сметка за 2022 година со вкупна загуба од над 44 милиони денари. Повеќето од директорите рекоа дека загубите се должат на високите цени на струјата и горивото. Другите претпријатија работат со добивки или изедначени приходи и расходи. Без загуби се Нискоградба, Жабени, Зоолошката градина, КИЦ, ЈП за урбанистичко планирање и Пелалинк, кое нема ни трошоци зашто нема вработени.
По заминувањето на опозицијата, беше прекината седницата.
Реакцијата на СДСМ Битола на изјавата на советничката Лидија Павловска.
За состојбите во битолските училишта, па и во Медицинско виновен е градоначалникот, обвини СДСМ
Март 29, 2023Интегрално ја пренесуваме изјавата на Весна Баковска од СДСМ:
„Изразуваме жалење и ѝ посакуваме побрзо оздравување на ученичката од Медицинското училиште која вчера беше повредена при пад на дел од таванот во тоалетот.
На лажниот душегрижник, градоначалникот на Општина Битола, Тони Коњановски, му порачуваме да се разбуди од сонот кој го сонува веќе 17 месеци. Градоначалник не е само титула, туку и обврска. А, одговорен за состојбите во битолските училишта, вклучувајќи го и медицинско е единствено тој. Коњановски откако е на власт во Битола целосно ги заборави средните училишта. Тоа може да се види и од Извештаите за извршување на буџетот на општината за 2022 година Коњановски потроши 30 милиони евра за една година, но лани не издвоил буквално ниту денар од општинскот буџет за средните училишта.
По затекнатиот хорор во 2017 година во медицинското училиште во Битола - распаднати училници, тоалети без врати, искршени прозорци – во училиштето беа изведени низа реконструктивни зафати. Инцидент како тој вчера ниту некој замислувал, ниту посакувал и затоа бараме преку соодветни процедури да се расчисти случајот.
После 17 месеци власт во Битола, време е раководните кадри на ДПМНЕ да понесат одговорност. И во медицинско и во техничко и во Водовод и секаде каде се огрешиле. Наголемата одговорност за Битола ја има градоначалникот Тони Коњановски кој секој ден докажува дека не знае да менаџира со градот“, ијави Весна Баковска од СДСМ
Најчитани
