Битола да се кандидира за град на УНЕСКО, предложи Душан Стругар, етнолог конзерватор од Словенија, воедно и претседател на Организацискиот одбор на осмиот симпозиум на етнолози конзерватори од Словенија, Хрватска, Босна и Херцеговина, Србија и Северна Македонија што се одржува во Битола.

Во натпреварот од СЕХА лигата што попладнево се одигра во спортската сала „Боро Чурлевски“  во Битола, Еурофарм Работник  направи сензација и  со два гола разлика го порази унгарскиот ракометен гигант Веспрем, европскиот вицешампион, кој во своите редови има голем број ракометни ѕвезди. 

Републичкиот совет за безбедност на сообраќајот на патиштата во соработка со МВР продолжува со реализација на кампањата - "Безбедни деца во сообраќајот- за безбедна и сигурна иднина". Едукативната акција се организираше во ОУ „Гоце Делчев“ во Битола каде децата од второ одделение учеа како безбедно да го преминат пешачкиот премин

Денес во посета на гимназијата „Јосип Броз-Тито“ Битола, беше амбасадорката на Обединетото Кралство на Велика Британија и Северна Ирска, Рејчел Галовеј. Повод за посетата беше електронскиот гимазиски весник „Е-ОКО“, кој излегува од 18 декември 2013 година, па сè до денес. Учениците ѝ презентираа за работата на весникот и бројните активности кои се изведени во текот на училишната година, а ја претстаавуваат гимназијата. Беше истакната и соработката со „Медиум“, како главен причинител за нашата средба. На крајот директораката на гимазијата Фанинја Наумовска, помошник директорот Мите Ристов и проф. Соња Живковиќ Ѓорѓиевска изразија благодарност за посетата и надеж за повторна средба.

  За Апла.мк известуваат Кирил Блажевски, Емилија Мицевска IV-1

Во рамкитe на проектот ,,Училишта на 21 век” учениците од ОУ Тодор Ангелевски се вклучени во критичкото размислување и решавање на проблемите и примена на уредот Микро:бит. Практично го применуваат Микробитот со решавање на зададени задачи и проблеми. Kлубот за кодирање прави интересни  чекори со микробитот за што директно се одговорни наставниците Весна Гагаловска,  Слаѓана Бојаџиева и   Љупчо Божиновски.

Со игра и песни на неколку светски јазици со многу возбуда, ракоплескања и подавање раце за поздрав учениците од ОУ Тодор Ангелевски ја пречекаа амбасадорката на Обединетото Кралство на Велика Британија, Рејчел Галовеј. Целта на посетата на амбасадорката Галовеј е реализацијата на проектот Дигитализација во наставата „Училиште на 21 век“ поддржан со средства од Обединетото Кралство на Велика Британија.

-Задоволство е да се биде во Битола ова утро во ОУ Тодор Ангелевски, уживав  во топлиот пречек од сите ученици , ги видов нивните таленти и надареност и сега ќе го разгледаме училиштето во рамките на проектот „Училиште на 21 век“ за развивање на креативно мислење, критичко мислење и дигитална вештина. Многу сум возбудена што ќе ги видам проектите на кои што работи училиштето во рамките на проектот поддржан од Британска амбасада и Британскиот Совет, изјави амбасадорката Галовеј.

Како вистински домаќини, директорката на ОУ Тодор Ангелвски, Љубица Стерјева, наставниците и вработените во училиштето ја пречекаа амбасадорката Галовеј, споделувајќи ги  информации дека овој проект е особено важен за училиштето и наставата каде се вклучени ученици од прво до деветто одделение. 

-Со посебна чест и задоволство ја поздравувам нашата гостинка Н.Е Галовеј . Училиштето влезе во проектот „Училиште на 21 век“ што е ретка можност, бидејќи во проектот учествуваат само десет училишта од државата кои го работат проектот од 2018 година. Во Велика Британија овој проект  се спроведува од 2016 година што значи дека целат е да се покаже дигитализацијата во наставата, односно примена на различни техники потпомогнати од алатката наречена уред микро:бит чип, со кои учениците ќе можат да размислуваат и да го покажуваат нивното знаење со примена на дигиталната технологија, изјави Стeрјева.

Училиштето Тодор Ангелевски брои 1000 деца и како што вели Стерјева формиран е клуб за кодирање, во него се околу четириесеттина деца кои два пати во нeделата работат  на проектот. Координатори на проeктот се одделенскиот наставник Весна Гагаловска,  со наставничката  Слаѓана Бојаџиева и  наставникот по информатика Љупчо Божиновски.