АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јануари 12, 2026
Анета Блажевска
Градоначалникот на општина Битола, Тони Коњановски денес, го посети средното техничко училиште СОТУ „Ѓорѓи Наумов“ Битола, каде заедно со директорката Жанета Сервини и вработените професори во училиштето разговараа околу инвестициите реализирани во училиштето во последниот период, со цел подобрување на условите за работа и подобрување на опременоста на училиштето.
Главна инвестиција во училиштето во последниот период е проектирањето и изведбата на фотонапонска централа.
Поконкретно, поставени се фотонапонски панели за производство на електрична енергија со инсталиран капацитет од 40kW на кровната површина од постоечкиот објект на училиштето, како и метео станица. Со оваа инвестиција ќе се намалат трошоците и ќе се придонесе за зголемување на енергетската ефикасност и за заштита на животната средина. Покрај централата, обезбеден е и едукативен фотонапонски панел за реализација на наставата по стручни предмети, како и ардуина комплети (Solar tracking learning kits) за спроведување на практични вежби од областа на енергетиката.
Дополнително, во соработка со локалната самоуправа и Министерството за образование во последните неколку месеци значително е подобрена опременоста на училиштето со информатичка и видео опрема (компјутери, графички картички, камери, 3D принтер и сл.), како и со набавка на друга стручна опрема (фреквентен регулатор, термовизиска камера, тестер на соларни системи, повеќенаменски тестер на електрични инсталации, принтери). Поставен е и ламинат во наставничката канцеларија.
Во разговорот директорката и наставниците изразија голема благодарност до Општина Битола и до МОН за обезбедените средства за СОТУ „Ѓорѓи Наумов“, со кои ќе се даде значаен придонес во образовниот процес, и ќе им се овозможи на учениците пристап до квалитетна практична настава.
„Обезбедената стручна опрема опфаќа и сензори, микроконтролери, шилдови и други електронски компоненти како што се RFID модули, ултразвучни сензори, релејни модули и многу други елементи кои ќе им овозможат на учениците да работат на современи проекти. Преку оваа поддршка, младите техничари ќе можат да стекнат драгоцено знаење и практични вештини, што ќе им помогне во нивниот понатамошен професионален развој. Како резултат на овие инвестиции во образованието на младите се и освоените први места на повеќе национални натпревари. Ваквата инвестиција е од непроценливо значење за иднината на стручното образование, за што сме длабоко благодарни“, истакна директорката на СОТУ „Ѓорѓи Наумов“ Битола, Жанета Сервини.
Градоначалникот Коњановски, нагласи дека општината и во следниот период ќе овозможи поддршка на идните планови и активности, насочени кон создавање подобри можности за училиштето.
ИФТАРСКА ВЕЧЕРА ОРГАНИЗИРАНА ОД ГРАДОНАЧАЛНИКОТ КОЊАНОВСКИ
Градоначалникот на општина Битола, Тони Коњановски, во пресрет на големиот муслимански празник, Рамазан Бајрам, организираше ифтарска вечера.
На вечерата, традиционално и оваа година присуствуваа, битолскиот муфтија Амит Расими, пратениците во Собранието на Република Македонија, Силвана Ангелевска, Олга Лозановска и Пеце Милевски, координаторите на советничките групи на ВМРО ДПМНЕ и СДСМ во Советот на општина Битола, Бојан Бојкоски и Петар Николовски, директорите на јавните претпријатија, како и голем број граѓани, соработници на општина Битола, претставници на невладиниот и бизнис секторот.
Градоначалникот Коњановски, ги поздрави присутните, нагласувајќи дека ова се моменти кои ја изразуваат меѓусебната почит и соработка:
„Почитувани сограѓани, драги гости,
Чест и задоволство ми е што вечерва сме собрани заедно на овој свечен ифтар, кој нè потсетува на вредностите на заедништвото, солидарноста и меѓусебната почит.
Месецот Рамазан е време на духовно прочистување, добрина и човечност. Тој нè учи на трпение, благодарност и грижа за оние кои имаат потреба од нашата поддршка. Вечерва сме тука, не само да ја споделиме трпезата, туку и да ја зајакнеме врската меѓу нас, без разлика на нашите разлики, затоа што токму единството ја гради силната заедница.
Како градоначалник, останувам посветен на тоа да создадеме општество во кое секој граѓанин се чувствува почитуван, поддржан и вреднуван. Вечери како оваа се потсетник дека преку заеднички напори можеме да изградиме подобро општество за сите нас.
Ви посакувам пријатен ифтар, благословен Рамазан и многу здравје, среќа и благодет во вашите домови“, им посака градоначалникот Коњановски на присутните гости.
Оваа година, Рамазанскиот пост започна на 1 ви март и завршува утре. Првиот ден на Рамазан Бајрам се одбележува во недела на 30 март.
Тинејџер од Битола завршил со крварење во мозокот по тепачка со врсник, вториот бил избоден со нож
Март 28, 2025Промоција на книгата "Факсимили од роднокрајни писатели членови на Друштвото на писатели на Македонија"
Март 28, 2025Во рамки на значајниот јубилеј – 80 години од основањето на НУУБ „Св. Климент Охридски“ – Битола, на 27 март 2025 година, во просториите на библиотеката се одржа промоцијата на книгата „Факсимили од роднокрајни писатели – членови на Друштвото на писателите на Македонија“ и претставување на каталогот посветен на Горан Стефановски, во читалната што го носи неговото име.
Книгата содржи биографски податоци и факсимили – уникатни примероци од рачно изработена хартија, на кои дваесет и пет македонски писатели оставија свои записи – поетски творби, извадоци од прозни дела, мисли и пораки. Авторите се истакнати членови на Друштвото на писателите на Македонија (ДПМ), кои потекнуваат од Битола и околината, а многумина од нив и денес живеат и создаваат во градот.
Факсимилите беа создадени во рамки на проектот „Факсимили од роднокрајни писатели“, реализиран во периодот 2022-2024 година од Весна Мундишевска-Велјановска и Валентина Ристеска, наставнички по графички стручни предмети во СОУ „Таки Даскало“ – Битола, заедно со учениците од графичката струка. Преку процесот на рециклирање на хартија и рачна изработка на уникатни листови, учениците не само што ја усовршија техниката на рачно изработена хартија, туку и ја зголемија својата еколошка свест.
Книгата „Факсимили од роднокрајни писатели – членови на Друштвото на писателите на Македонија“ издавач НУУБ „Св. Климент Охридски“ – Битола м-р Емилија Стефановска Давкова, а приредувачи се Весна Мундишевска-Велјановска, м-р Фатма Бајрам Аземовска и м-р Гордана Ѓоргиевска Неделковски. Овој труд ќе остане траен запис во роднокрајната збирка на библиотеката.
Во рамки на настанот беше претставена и брошурата „Горан Стефановски – Литературно и театарско наследство“, омаж на еден од најзначајните македонски драматурзи. Неговото дело останува инспирација за идните генерации театарски уметници, писатели и истражувачи.
Настанот го отвори директорката на НУУБ „Св. Климент Охридски“ – Битола, м-р Емилија Стефановски Давкова, а збор зедоа и уредниците на брошурата, м-р Фатма Бајрам Аземовска и м-р Гордана Ѓоргиевска Неделковски.
Оваа иницијатива уште еднаш ја потврдува мисијата на библиотеката како чувар на книжевното и културното наследство, создавајќи мост помеѓу минатото и иднината, зборот и сцената, инспирирајќи нови генерации да ја негуваат македонската литература и уметност.
Битолчани утрово неколку минути после 5 часот ги разбуди земјотрес чии епицентар бил на 10 километри северно од Лерин, Грција. Потресот во епицентарот бил 3,4 степени, по Рихтеровата скала. Ударот го почуствуваа особено станарите на повисоките згради, како што велат со хоризонтално тресење. (А.Б)
Во прекрасниот амбиент на НУ Универзитетската библиотека „Св. Климент Охридски“ – Битола, вчера се одржа промоцијата на поетската збирка „Елисиско ехо: Поезијата на меморијата на слободата“ од Игор Трајковски.
Настанот привлече голем број љубители на поезијата, културни работници и граѓани, кои имаа можност да се запознаат со длабоките и инспиративни стихови на авторот.
Промотери на книгата беа:
м-р Емилија Стефановска-Давкова, директорка на НУУБ „Св.Климент Охридски“ - Битола, Гордана Такец, Владо Ѓорески
Музичка изведба: Славко Спировски Слав
Тие ја истакнаа вредноста на оваа збирка како сведоштво за борбата за слобода, индивидуалната и колективната меморија, како и емоционалната длабочина што ја носат стиховите на Трајковски.
Клучни моменти од промоцијата:
Авторот сподели инспирации од своето творештво и процесот на создавање на книгата.
Делото „Елисиско ехо: Поезијата на меморијата на слободата“ од авторот Игор Трајковски – Фоја претставува моќна современа поезија што ја рефлектира суровата реалност на нашето време. Оваа збирка инспирира со својот повик за слобода на мислата и човечноста, започнувајќи од предизвиците на пандемијата COVID-19, па сè до сите немили настани што го обликуваат нашиот современ свет.
Авторот ја испраќа пораката дека човекот, со својата висока свест и интелигенција, може да го победи злото, а неговата поема „Сирачето што спиеше на голата прашина“ (L'orfano che dormiva sulla nuda polvere) доби меѓународно признание во Рим, Италија.
Особено значајно е што директорката на НУУБ „Св. Климент Охридски“ – Битола, м-р Емилија Стефановска-Давкова, беше не само промотор на оваа збирка, туку и нејзин преведувач, со што ѝ даде уште поголема културна и книжевна тежина.
Настанот беше дел од одбележувањето на 80-годишнината на НУУБ „Св. Климент Охридски“ – Битола, уште една потврда за значајната улога на библиотеките како чувари на културното наследство.
ПРОМОВИРАНА АПЛИКАЦИЈАТА ЗА СЛЕДЕЊЕ НА МОМЕНТАЛНАТА СОСТОЈБА НА АВТОБУСКИТЕ ЛИНИИ
Граѓаните на општина Битола и сите посетители на општината, од денес имаат можност за следење на моменталната состојба на автобусите на линиите кои ги одржуваат, преку апликацијата „Bitola City Bus“. Оваа апликација е донација на Општина Битола од Ротари клуб Битола, во вредност од 1.500.000 денари за „Зелена Битола“. Проектот, за кој општината покажа голем интерес, вклучи: набавка и инсталација на 14GPS уреди во автобусите на општинскиот линиски превоз, изработка на апликација за мобилни телефони (Android и iOS) „Bitola City Bus“, веб страна и веб домејн bitolacitybus.mk, печатена сигналитика (во форма на мал постер или ознака) на примарните автобуски постојки за постоење на апликациите и вебсајтот, хостирање на апликациите во облак и одржување на мрежно поврзување на GPS уредите (мобилен интернет), 14 SIM картички и тековно одржување на техничкото решение.
„Низ проектот „За ЗЕЛЕНА БИТОЛА“ придонесуваме во креирање на чиста и зелена Битола и подобрување на целокупниот квалитет на животната средина во градот. Промовираме и поддржуваме одржливи практики и вклучување на заедницата. Демонстрираме водство во сферата на екологијата. Покренуваме иницијатива за поттикнување на користењето на јавниот градски превоз, оставање на возилата и делување за почист воздух, здрава средина и зелена Битола“, рече на денешниот настан за промоција на апликацијата, Проф Д-р Јасмина Буневска од Ротари клуб Битола.
Претседателот на Ротари Клуб Битола, Пеце Ѓаковски, во своето обраќање стави акцент на значајните проекти на Ротари Клуб Битола и одбележувањето на 90 годишнината од формирањето на клубот.
Професор д-р Никола Крстаноски, експерт за одржливи урбани системи, говореше на тема: „Атрактивен јавен градски превоз како клучен елемент на политиката на одржлива урбана мобилност“.
Професор д-р Илија Јолевски од Факултетот за информатички и комуникациски технологии Битола и носител на активностите за проектот како член на Ротари клуб Битола, ја презентираше апликацијата „Bitola City Bus“, пред присутните на денешиот настан.
Градоначалникот на општина Битола, Тони Коњановски, нагласи дека општината со задоволство ја прифати оваа иницијатива од Ротари клуб Битола, која денес овозможува конкретна услуга од која граѓаните треба да имаат значаен бенефит.
„Сакам да изразам огромна благодарност до Ротари клуб Битола за оваа донација, која верувам ќе помогне прво за подобрување на услугата на јавниот градски превоз, но и за привлекување на граѓаните да ги остават возилата и да користат јавниот превоз. Морам да напоменам дека ова е уште една дигитална алатка која треба да го олесни секојдневното функционирање, покрај она што веќе го воведовме изминатиот период, но и она што ќе следува наскоро, а тоа е електронското аплицирање за субвенции, кое ќе ги замени големите редици пред општинските шалтери. Верувам, дека на овој начин, со заедничка соработка, можеме да постигнеме многу повеќе и подобри резултати за Битола, во сите области“, рече градоначалникот Коњановски, нагласувајќи дека општината и во иднина ќе ја продолжи соработката со Ротари клуб Битола, но и со сите останати субјекти, кои сакаат да дадат придонес за подобри услови во заедницата.
Уште еден меѓународен успех на ученици и професори од битолската Гимназија "Јосип Броз Тито". Професорката Фанија Наумовска е ментор на тимот ученички - Ана Марија Вељковиќ, Ангела Талева и Матеја Ѓоргиевска кој ја создаде апликацијата ДЕМЕТРА ВИ и со неа се претстави на Форумот на жени и девојки што се одржа во Будимпешта. -Оваа апликација на нашиот тим беше прогласена за најдобра иновативна идеја од Македонија. Апликацијата е создадена за да им даде информации на жените – земјоделки како да формираат агробизнис и да станат дел од женското претприемништво, објавија од Гимназијата.
Успешно реализирана симулација на пожар во основното училиште ,,Кочо Рацин " во село Ивањевци, со цел подигнување на свеста и подготвеноста на учениците и наставниците за евентуални вонредни ситуации.
ТППЕ Битола и Брзата помош учествуваа во вежба во која покажаа како заеднички да се реагира во случај на пожар.
Безбедноста на нашите деца е приоритет, и ќе продолжиме со редовни обуки и активности за заштита на животите и здравјето на нашите сограѓани, објавија од ТППЕ на Битола
Најчитани
