Засега непознато лице целосно разрушило надгробен споменик на старите гробишта кај „Св. Недела“ во Битола. Од СВР соопштија дека битолчанката Е.П.(62) во полиција пријавила дека во периодот од први до 26 мај 2018 година, на непознат начин е оштетен споменикот од нивниот семеен гроб. Во гробот биле погребани родителите на битолчанката која го пријавила случајот, а при тоа напоменала дека бетонскиот споменик е целосно разрушен.

Пред неколку години имаше и неколку други случаи кога поради семејни расправии помеѓу роднини и други кавги меѓу битолчани, страдаа надгробните споменици. Се случуваше еден ист споменик да се урива, пак гради и повторно да биде разрушен, поради ова битолчанец неколку дена чуваше стража и ноќе на старите Светонеделски гробишта во Битола.

„Ве повикувам сите заедно утре на 2-ри јуни во Скопје пред Влада, да излеземе на мирен, но историски важен протестен собир.

Ве повикувам сите Вас во чии што вени тече македонштината за да застанеме во одбрана на истата. Ве повикувам заради одбрана на минатото кое што со крв го чуваа нашите предци. Ве повикувам да го одбраниме достоинството на нашата држава за да можеме и ние достоинствено да ја оставиме во аманет на нашите поколенија. Ве повикувам да не останеме неми пред уривањето на нашата света земја што ја разнебитуваат во сите сегменти од нашиот живот и со заеднички сили и многубројност да упатиме силна и јасна порака дека Македонија е таа што сите нас не обединува.

Во Првата светска војна во Битола биле убиени 4224 цивили, претежно жени и деца. Имало 545 ранети, 647 згради и 216 куќи станале рушевини, 696 згради и 119 куќи биле оштетени, 845 запалени. Податоците се објавени во книгата „ Битола- најбалканскиот град во Првата светска војна“, промовирана на научниот симпозиум во Битола по повод 100 годишнината од крајот на војната. 

Македонија е единствена држава во светот во која се затвараат сопствените граѓани само затоа што сакале да го истакнат националното знаме.

Меморијалниот музеј на француските гробишта, подигнат по повод 100 години од крајот на Првата светска војна, претставува спомен обележје за загинатите француски војници, но и за македонското цивилно население кои прострада за време на војната. Ова беше истакнато на свечената манифестација по повод отворањето на Музејот на француските гробишта во Битола.  

Во присуство на државниот секретар на Министерството  за вооружени сили на Франција, Жаневиев Дариесек и македонскиот министер за одбрана Радмила Шекеринска, на француските гробишта во Битола беше отворен Меморијален музеј за Првата светска војна. Отворен е по повод 100 годишнината од крајот на крвавата светска војна, а во спомен на француските војници што се бореле на Македонскиот фронт и на страдањата на цивилното македонско население.

Синоќа околу 21 часот толпа на граѓани се обидувале да го постават знамето на Република Македонија пред спортската сала „ Младост“ во Битола, но биле спречени од полицијата.

Граѓаните сакале да го вратат знамето кое подолго време било тргнато од јарболот, но некој ги пријавил по што  интервенирала полицијата.

Професионалноста пред сѐ, порача новинарот Марјан Танушевски на кого денес „Битолски весник“ му ја додели наградата за новинарство и репортажа „Тоде Петрески“ во чест на покојниот колега, некогашен дописник на Радио Скопје од Битола.

Два одобрени проекти што ќе се реализираат со средства од ИПА 2 фондовите на Европската унија и еден на листа на чекање. Ова претставува еден добар тренд, ако се има предвиди дека вкупно досега општина Битола, искористила пари за само 5 проекти од ИПА, велат од НВО Инфоцентар, кои ја презентираа анализата „Капацитети на искористеност и програмирање на ИПА фондовите на локалано ниво-студија за општина Битола“.

Клиничката болница  во Битола ќе распише конкурс за седумдесет нови вработувања од кои најголем дел ќе бидат лекари , а потоа и секаков друг вид кадар потребен за функционирањето на болницата. Новите вработувања ќе бидат финансирани со средства на болницата. Оваа информација за апла.мк ја потврди портпаролот на болницата Сузана Конеска.