Познатата сопственичка на пропаднатата штедилница ТАТ од Битола, Соња Николовска,  деновиве повторно е во затвор. Таа е спрoведена во затворот Идризово на издржување затворска казна за измама на неколкумина битолчани од кои успеала да земе над 600 000 евра, објавува  порталот  dosie.com.mk 

Донација во опрема вредна 150 илјади евра доби битолската болница од шведската фондација Hand till hand. Опремата ќе биде распределена во неколку одделенија во болницата

Среде Широк сокак,  десеттина битолчани го блокираа патот чекајќи ред за на банкомат. Минувачите, некои нервозни што им го попречиле патот, други расположени за мајтап, потпевнува -ред се редат мале,  за на банкомат!

Централната власт има сериозни намери за поддршка на Општина Битола, рече градоначалничката Наташа Петровска по работната средба со министерот за транспорт и врски Горан Сугаревски. Темите на нивниот разговор беа комуналната, патната и железничката инфраструктура  во Битола и пелагонискиот регион.

-Зборувавме за уредување  од областа на инфраструктурата, водовод и канализација, а ги засега месностите  Габалавци,  Секирани, Породин и особено Лавци каде што знаеме дека имаме инфраструктурни зафати, каде што како општина сме должни  да ги реализираме. Имаме изградени објекти каде граѓаните всушност  очекуваат ова да се реши. Ова покажува дека во иднина треба да гледаме со перспектива и задоволство на поддршката на централната власт , рече Петровска.

Добар дел од средствата коишто ги има Министерството за транспорт и врски од Европската инвестициона банка, кои и следуваат на општина Битола треба да се искористат, рече министерот Сугаревски, објаснувајќи  дека се работи за кредитна линија  која завршува на крајот на 2018 година.

-Рокот за апликации е до март месец, и дел од проектите градоначалничката ги има  доставено до министерството, очекуваме наредната недела да бидат доставени и нови проекти.  Еден милион и триста илјади евра и следуваат на Општина Битола, согласно кредитната линија. Очекуваме  тие средства да се искористат од Општината, а бенефитот да го видат граѓаните на Битола, рече Сугаревски.

Што се однесува до патната инфраструктура предвидено е изградба на експресен пат Прилеп-Битола- граничен  премин Меџитлија, рече Сугаревски додавајќи дека ќе се реконструира и  патот Битола-Меџитлија,  како и патни правци од Битола до Демир Хисар.

-Сериозни се плановите што ги има Јавното претпријатие  за  државни патишта  заедно со Министерството за транспорт и врски и Владата на Р.М, очекуваме да се направи градежен бум од март наредната година, најави Сугаревски.

За недоизградената пруга од Битола за грчка граница ќе се води судски спор, најави министерот за транспорт и врски, Горан Сугарески. Тој не прецизираше против кого ќе биде поведен спорот, но рече дека веќе имало дејствија за откривање на одговорните лица кои не го завршиле проектот.

„Судска постапка ќе се води во делот на одговорноста. Сѐ што имаме поврзано со овој случај доставуваме до органите на проганот. Тие малверзации ги открива обвинителството“, рече Сугаревски.

Суспендиран од работа е екс секретарот на Општина Битола, а сега  раководител на Секторот за финансии, Слободан Бончановски, еден од обвинетите во случаите „Транспортер 1 и 2“.

НУУБ „Св. Климент Охридски“ во своите заложби за претставување на Библиотеката како место за дружење и промовирање на едукативни и креативни програми на деца и млади од сите возрасти организира празнична програма која што ќе ги обедини училишта, волонтери, родители и сите заинтересирани граѓани кои ќе можат активно да учествуваат во новогодишниот изглед на нивното омилено место за читање.

„Среќни, задоволни, видовте, разбравте“, со овие зборови им се обрати на новинарите, екс градоначалникот на Битола, Владимир Талески, по одлагањето на судскиот процес во кој е обвинет за недоволна грижа за Офицерскиот дом.

И денешното рочиште во Основниот суд во Битола беше одложено зашто бранителот на Талески според Законот за кривична постапка побара рочиштето да биде тонски снимено, а во судницата немаше улови за тоа. Неговиот адвокат Драѓи Пажиќ, кој го застапува и во обвинението за „Транспортер“, изјави дека доколку расправата почне без снимање ќе се жалат до Судот за човекови права во Стразбур.

На 20 декември во 1923 г. во Штип е роден Ацо ШОПОВ, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија, поет и преведувач, есеист и литературен критичар, академик.

Половина милион евра следната година општина Битола ќе издвои за спортот, што е рекордна сума  во планирани средства од Буџетот, рече претсдателот на Советот, Валентин Груевски. Исто  така следната година ќе се издвојат 1,3 милиони евра за стадионот во Битола.