Во Македонија недостигаат 750 пожарникари, а дел од постоечките пожарникари и други кои очекуваат да бидат ангажирани имаат невалидни дипломи, велат од Центарот за обука на професионални пожарникари „Пегаз Еду“ од Битола.

Пријатели и поддржувачи на апла.мк, ни испратија фотографии од манифестацијата „Денови на нарцисот  -Лазарополе цути“,што се одржа вчера во Лазарополе. Фотографиите се рај за очите и душата , ја отсликуваат традицијата во Лазарополе каде со зурли и тапани се слави  традицијата и афирмацијата на руралното културно наследство, материјално и нематеријално. Пред 3 години е возобновена традицијата која мештаните во овој крај ја практикувале пред речиси 30 години,  како „Фестивал  на нарцисот “која се одржува во време на цветањето на нарцисот.

Пионери со црвени  марами и сини титовки, денеска ги служеа гостите во кафе барот Буре на плоштадот Магнолија, а пред влезот се вееше знаме со петокрака. Кафулето со овие југословенски симболи, ги потсети битолчани дека на денешен ден, 25 Мај, во Титова Југославија се славеше Денот на младоста   и роденденот на Јосип Броз Тито.

Во книгата Чудата на Свети Наум од Стојан Ристески, објавени се дел од молитвите што како писмени обраќања верниците ги упатиле до светецот во храмот во Битола посветен на него.

Повторно побеле водата во реката Драгор. Тоа се гледа од фотографиите што до нашата редакција денес ги испратија читатели. Тие пишуваат дека ваквото загадување го евидентирале денес по течението на реката Драгор, од Црн Мост надолу. Забележале обојување на водата во бела боја и силен мирис на хемикалија. Граѓаните кои ни ги испратија фотографиите коментираат дека најверојатно загадувањето доаѓа од фирма која работи кај Црн Мост, а во реката испуша некаква хемикалија или боја.

Кражба и клетви кај параклисот Света Богородица во непосредна близина на училиштето „Тодор Ангелевски“ во Битола. Некој ги украл цвеќињата со се саксија што верниците ги поставиле до параклисот под битолскиот Баир. Друг пак, откако видел дека некој без обзир кради што би се рекло од дворот на вакавско место, залепил картон со натпис „да му се исушат рацете на тој што ги зеде цвеќињата“.

Не дека арамијата ќе ги врати саксиите од параклисот, туку за да не се повтори ваквата кражба и да се однесат и другите цвеќиња кои го украсуваат просторот околу црквичето. Ова е пример дека за некои луѓе нема ништо свето, па стигнаа со цвеќиња од параклисот да си го разубавуваат дворот, а друг пак се обудуваат верско место да штитат со клетви.

Графити со навредлива содржина и говор на омраза упатена кон двајцата пратеници од власта Горан Милевски од ЛДП и Александар Кирацовски од СДСМ, како и кон генералниот директор на РЕК, Васко Ковачевски, осамнаа синоќа во Нова Битола.

Младите ликовни творци од основното уметничко училиште Плзен од истоимениот град во Чешка, годинава се добитници  на Гран при наградата на 37. издание на меѓународната ликовна манифестација „Мал битолски Монмартр“.

Со добредојде од творецот на „Монмартр“,  Коста Хаџиантоновски и градоначалничката на општина Битола Наташа Петровска, синоќа почна најновото издание на оваа светска ликовна манифестација

Во пресрет на големиот празник на сесловенските просветители браќата Кирил и Методиј, 24 Мај, во Париз, Франција излезе од печат најновото поетско отстварување на македонскиот поет и писател Панде Манојлов  насловено како „Мајчин јазик“ ( „La langue Maternelle") во издание на Институтот за култура „Солензара“ во едицијата „Билингвистика“ напоредно на македонски и француски јазик. Оваа мошне значајна поетска книга од Манојлов која содржи триесет песни, на француски јазик ја препеа познатиот француски и светски литерат, поет и академик Атанасе Ванчев Де Траси кој годинава е предложен за Нобеловата награда за литература.