Снегот што од ноќеска паѓа во Битола формира  снежна покривка од пет сантиметри. Од ЈП „Нискоградба“  за апла.мк велат дека нивната механизација веќе е на терен, се чистат улиците од прв и втор приоритет,  а  се посипува и со сол.

-Целата механизација е ангажирана на терен. Се посолуваат улиците од прв и втор приоритет . Во приградските населби се врши чистење на снегот на коловозите, изјави за апла.мк Методи Силјановски директор на ЈП „Нискоградба“-Битола.

Во Битола утрово температурата се спушти на -3 степени , а во 7 часот беше измерена снежна покривка од 5 сантиметри.

Времето денеска ќе биде облачно, студено и ветровито со врнежи од снег, особено претпладне. На места поради ниските температури ќе има појава на голомразица, а ветерот ќе предизвика и појава на снежни наноси. Ќе дува умерен до засилен северен ветер. Максималната температура ќе биде во интервал од -1 до 3 степени.

Битола го слави Свети Нектариј, заштитникот на градот. По тој повод, синоќа се одржа традиционалната занаетчиска манифестација „Битолски еснафи“, а потоа и културно-уметничка програма во Народниот театар. Утринска литургија се служеше  во храмот „Свети Димитриј“ во Битола, а потоа и литија низ улиците на градот.  

Целиот свет со своите убави страни култура, јазик, занаменитости влезе во училниците на Основното училиште „Тодор Ангелевски“ во Битола. Училиштето девет недели беше дел од интернационалниот проект „Волшебна интеркултурална мрежа на пријателството“ преку кој се поврзаа училишта од 33 држави ширум светот со преку десет илјади ученици. Проектот го покрена учителката Жељана Радојичиќ Лукиќ од Бања Врујци, а се приклучија многу училишта преку реализација на повеќе наставни задачи што ги поврзаа децата ширим светот без разлика на вера, нација, боја на кожата, јазик и други особености.Нивните оригинални активности можат да се проследат преку социјалните мрежи на линкот https://www.facebook.com/groups/501716083677556/?fref=nf

Алал- Во развиените европски земји каде дупките на улиците во најкраток можен рок се санираат, тешко дека ќе ве испрска со вода возило во минување додека надвор врне.

Ј'зк -Кај нас тоа не само што е вообичаено кога врне дожд, туку уште поголем проблем е што можете да бидете испрскани и кога е суво. На пример, со лепешки од коњи.

Најопасни зони се улиците „Илинденска“, „Дебарска“, „Караорман“ каде со товарни возила често пати минуваат собирачите на стара пластика, отпадно железо и други социјални категории на граѓани. Коњите физиолошките потреби си ги вршат на улица како да се на ливада. Не ретко се случува потоа некој забрзан возач со автомобил да ги згази лепешките и со нив да испрска некој од минувачите.

Во општината веќе подолго време во сила е одлуката за комунален ред, а според член 103, на подрачјето на градот во границите на градежниот опфат се забранува чување на секаков вид ситна и крупна стока, перјеста живина и пчелни семејства. Дали дивата населба над градот е во границте на градежниот опфат, не знаеме. Таму се гради секој ден, но не по урбанистички план. Најчесто коњи одгледуваат тамошните жители кои се социјално загрозени лица и немаат пати за возила. Така, коњите и понатаму остануваат да бидат превозно средство во градот што го нарекуваме конзулски, a како да сме во 19 век. 

Зачестено е сајбер насилството меѓу учениците ви Битола, покажа трибината за меѓуврсничко насилство што неодамна се одржа на Педагошкиот факултет.

Во 1912 година околу 10 000 битолчани масовни се вакцинирале од голема сипаница, а во 1914 година била спроведен и првиот систематски преглед.

Времето утре, понеделник, 17 декември, ќе биде претежно облачно и студено со повремени локални врнежи,  главно од снег.  Повеќе врнежи ќе има попладне во западните делови од земјава.  Минималната температура во Битола ќе се спушти пет степени под нулата, а макисмалната ќе биде 2 степена. 

Битолчанецот Горан Милевски и понатаму останува на челната позиција на Либерално –демократската партија. На седмото Изборно собрание што се одржа денес Горан Милевски беше реизбран за лидер на партијата.

Од 339 присутни делегати, за претседател на тајното гласање се изјаснија 335 делегати, од кои:
- 294 гласаа за Горан Милевски;
- 31 гласаа за Никица Корубин;
- 10 неважечки ливчиња.

„Оваа голема доверба што ми ја укажаа делегатите ме обврзува да работам со уште поголема енергија и мотив, да се бориме заедно за либералните вредности и идеали“, напиша Милевски на својот фб профил.