Државната изборна комисија склучи меморандум за соработка со здружението "Инклузива" и организира регионални работилници со цел обезбедување на еднаков пристап до избирачките места за време на гласање при избори. 

Неколку години,  додека трае изградбата на станбените згради во поранешната касарна во Битола, градежниот шут и ѓубрето се депонираше по ќошеви и места кои го нагрдуваат просторот, без притоа да се  води сметка за тоа колку ваквата слика им пречи на веќе вселените станари. Конечно после долго време  некои инвеститори  се досетија дека просторот покрај нивните новоизградени објекти не е место за диви депонии .

Во тој крај, чифлик-сајбиите со полни кеси златници купувале села еден од друг. Турците помагале да се изградат цркви за да добијат пород. Имало жители со по 116 години, а на почетот на дваесетиот век села со импровизирани железници и жичници. Вака истражувачот Ѓорги Лазаревски го опишува минатото на давесетина села од новачкиот крај чие постоење било забалежано во турските тефтери од 1468 година, а денес се исчезнати од картата на Новаци. Тоа е една од најголемите општини по територија во Македонија, но и една од најретко населените. Така, од некогашните села Чегел, Петалино останале гробови, од Грдилово, Букри, Грабаново нема трага.

Иконостасот во црквата „Св. Димитрија“ во Битола е најголем по површина во храмовите низ Македонија, вели историчарот на уметност и советник конзерватор во битолскиот Завод и музеј, Ристо Палигора.

-Владата е сериозно посветена на железничкото поврзување на Коридорот 8, се работи на пругата од Куманово до Бељаковце, обезбедена е проектна документација и финансиски средства за делот од Бељаковце до Крива Паланка, а завршена е и проектната документација за пругата до граничниот премин со Република Бугарија, како и за 63 километри од Кичево до македонско -албанската граница. Во наредниот период планираме да бидат обезбедени над милијарда евра, средства кои ќе бидат искористени за подобрување на железничкиот систем во Република Македонија.

Пругата од Битола за грчка граница ќе биде изградена до крајот на ноември годинава, најави министерот за транспорт и врски Горан Сугарески кој денес изврши увид на градежните работи за делницата што ќе минува во близина на индустриската зона Жабени.

Осум контејнери  или 17 кубици  ѓубре биле исфрлени деновиве од околината на станбените комплекси Пелагонка2 и Стара Болница во акција што ја организирале станарите. Но, радоста кратко им траеше затоа што ноќва вандали дивееле во населбата до рано утрово. Искршени шишиња од алкохолни пијалоци, конзерви, срчи, ѓубре од храна се расфрлани насекаде во комплексот.

33 годишната самохрана мајка Мерзука Сулејмановска од Битола стана говедарка за да ги прехрани двете малолетни деца. Социјалната помош од 4000 денари не стига да ги плати месечните давачки, а и алимемнтација не зела редовно. Соочена со немаштија одлучи да ја пасе стоката како момок за припомош.

Во Битола од секогаш се пиело кафето зачинето со муабетот „а ле што збораш“ како синоним на социјализацијата, љубопитноста, но и малограѓанштина. Битола е препознатлива по  говорни изрази, што не се ни поговорки, ни пословици, можеби анегдоти, вистински случки и настани  кои лесно се паметат. „Не си на Данабаш ќерка, па да се контиш“, „Ај оој да се сликаш кај Манаки“,„Ми ја напрајвте куќата корзо“,„Шанкуре сам се чепка“, „Кај Фиќи на тераса“...

Во Битола често може да се види добиток без стопан како се шета по улици, а граѓаните на социјалните мрежи шеговито коментираат дека миграциската треска село-град ја зафатила и стоката.