Тешко на луѓето во држава каде за да купат ребра во продавница треба да фатат врска! Деновиве не можев да си поверувам на очите и ушите кога во една реномирана продавница во Битола побарав од вработените да ми спакуваат неколку парчиња ребра, а тие ми одговорија: „A, овие се специјално нарачани за други“.

Димитар Ефтимов ЛИАКУ

На 20 јануари во 1921 година во Скопје е роден Димитар Ефтимов ЛИАКУ, припадник на македонското националноослободително и комунистичко движење во Вардарскиот дел на Македонија и учесник во Антифашистичката војна 1941-1944 г., лекар-хирург.

Студирал медицина во Софија, а бил партизански лекар во 15. Македонски корпус на Сремскиот фронт.

Медицински факултет завршил во 1949 г. во Белград. Хирургија специјализирал (со прекини) во Скопје и ја завршил во 1954 г.

Во 1952 г. бил испратен како специјализант на работа во Битола, каде што останал до пензионирањето во јануари 1987 г. Бил началник на Хируршкото одделение, примариус и виш здравствен советник во Битола.

Добитник е на повеќе награди и признинанија на СРМ и СФРЈ и носител е на "Повелбата д-р Трифун Пановски" - највисоко признание на Македонското лекарско друштво.

Вангел ЧУКАЛЕВСКИ

на 20 јануари во 1910 г. во Битола е роден Вангел ЧУКАЛЕВСКИ, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија, воен пилот.

Во предвоениот период бил пилот, со чин капетан во бившата Југословенска војска. Во време на бугарската окупација на Битола го помагал антиокупаторското движење, бил организатор и член на градскиот НОО, а во почетокот на 1944 г. се приклучил на партизанските единици.

Во 1944 г. станал член на КПМ и командант на Четвртата оперативна зона на НОВ и ПОМ. Бил командант на Првата македонска НОУБ од денот на нејзиното формирање 8 јуни 1944 г., па се до 25 септември 1944 г.

Унапреден во чин мајор на НОВ и ПОМ на 1 јули 1944 г. и станал прв помошник на началникот на Главниот штаб на НОВ и ПОМ од 25 септември 1944 г. Бил избран за делегат на Второто заседание на АВНОЈ и учесник на Првото заседание на АСНОМ. Бил одликуван од Врховниот штаб на НОВ и ПОЈ со Орден партизанска yвезда во октомври 1944 г. и на 1 декември 1944 г. бил унапреден во чин потполковник на Народноослободителната војска на Југославија (НОВЈ).

По целосното ослободување на земјата од фашистичките окупатори ги стекнал највисоките офицерски чинови на Југословенската народна армија (ЈНА) и во нејзини рамки вршел разни одговорни должности. Починал во Белград, Србија, на 8 јануари 1983 г.

Бено Исак РУСО

На 20 јануари во 1920 г., во Битола е роден Бено Исак РУСО, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија, генерал-мајор на ЈНА.

Завршил основно училиште, бил механичарски калфа. Служел воен рок во 1941 г. и бил заробен од германските сили и спроведен во логор. Избегал од логорот, се вратил во Македонија и се вклучил во НОАВМ. Во 1941 г. станал член на КПЈ, а во 1942 г. борец во ПО „Јане Сандански“ и во ПО „Даме Груев“.

Во 1943 г. бил во баталјонот „Мирче Ацев“. Бил политички комесар на чета, на баталјон, на бригада и на 41. дивизија. Како политком на 15. (македонски) корпус учествувал во борбите на Сремскиот фронт.

По војната завршил Виша политичка школа „Ѓуро Ѓаковиќ“ и Виша воена академија. Во 1960 г. бил унапреден во чин генерал-мајор.

Во пензија бил од 1970 г. Одликуван бил со: Партизанска споменица 1941, Орден југословенско знаме со лента, Орден заслуги за народ од прв ред и др.

Починал во Скопје на 18 јуни 2006 година.

                                                                                               подготвил: д-р Александар Литовски, историчар

Реконструкцијата на шадрванот пред Јени џамија во Битола и партерното уредување на просторот се целосно запрени, откако при изведување на градежните активности, случајно се пронајдени нови делови од црквата Св. Ѓорѓи, која за првпат  е откриена под џамијата пред 15 години. Од Завод и музеј , велат дека пред да продолжат активностите потребно е да се изврши археолошко истражување на новопронајдените остатоци, за што побарана е финансиска поддршка од Министерството за култура, Управата за културно наследство и општина Битола.

Министерството за Европа и за надворешни работи на Албанија денеска  го осуди говорот на омраза кон Албанците, во графит на јавен простор во Битола и побара од македонските власти да го истражат случајот. Станува збор за графитот на фасада на зграда на Широк сокак  во Битола – „Смрт за шиптари“, напишан на македонски и на албански јазик, со додавка „Закон си е закон“ алудирајќи на Законот за употреба на јазиците.

15 годишниот Петар Атанасовски го фати крстот во осветените води во базенот на храмот „Свети Великомаченик Димитриј“ во Битола. По крстот скокаа десетина момчиња и една девојка. .

Поранешната пратеничка од Ресен, Дивна Јовковска Ефтимовска, на социјалните мрежи испрати повик за помош на трите семејства од Ресен кои останаа без покрив над главата по вчерашниот силен пожар кој ги зафати нивните домови.

„Кога се работи за хумани цели, Македонија знае да биде хумана. Да им помогнеме на ресенските семејства, чии куќи беа опожарени вчера претпладне. Помошта е потребна најитно, независно од видот„, напиша таа на фејсбук.
За сите оние кои сакаат финансиски да помогнат можат да уплатат средства

Банка на примач: ХАЛКБАНК
Примач: Сибел Дафтовска
Бр. на Сметка: 270-7000-395-058.18

Пожарот избувнал вчера утро во куќите сопственост на 51-годишниот М.Д., 43-годишниот В.А. и на Н.З. во Ресен во кој биле опожарени покривните конструкции, собите и покуќнината, а при неговото гаснење биле оштетени дел од ѕидовите и покуќнината.

Пожарот бил изгаснат од екипа на Територијалната противпожарна единица Битола.Увид извршила екипа од Надворешната канцеларија за криминалистички работи Ресен. Пожарот, како што соопшти МВР, најверојатно настанал на покривот, односно на оџакот на една од куќите. 

Искршени прозорци, дотраен паркет, изронета фасада, ѕидови и скали, немолерисани простории, напукнати тавани... Вака изгледа подрачното училиште „Тодор Ангелевски“ во битолската населба Горно Оризари. Фотографии од затекнатата состојба во школото на својот фејсбук профил објави новата директорка на ОУ„Тодор Ангелевски“, Љубица Стерјева. Сликите покажуваат дека на школото во Горно Оризари потребна му е итна реконструкција.

На 18 јануари 1914 година во село Канино, битолско, роден е  Никола ТОДОРОВСКИ-Коле Канински, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија. 

По професија бил правник. Основнотои средното образование ги завршил во Битола. Во октомври 1933 г. заминал на студии по право во Белград. Тука се истакнал со дејноста во прогресивното движење.

Станал член на КПЈ во 1936 г. По завршувањето на факултетот во 1938 г. се вратил во Битола и продолжил со својот политички ангажман. Во 1940 г. станал член на Месниот комитет на КПЈ-Битола. На теренот бил многу популарен.

Во септември 1941 г. станал член на првиот Битолски месен воен штаб, што значи дека непосредно раководел со организирањето на партизанската борба во Битолско. Поради својата револуционерна активност во време на окупацијата бил неколкупати затворен, а есента 1942 г. се приклучил кон партизанските единици.

Во април 1943 г. станал началник на штабот на Партизанскиот одред "Даме Груев". По формирањето на Партизанскиот одред "Гоце Делчев" на 20 мај 1943 г. станал негов командант. Подоцна бил именуван за политички комесар на Вториот баталјон на Третата оперативна зона, познат и како Битолско-мариовски баталјон на Втората македонска бригада.

Бил избран за делегат на Првото заседание на АСНОМ.

Загинал како политички комесар на Првата македонско-косовска народноослободителна бригада, во несреќен случај на 22 јули 1944 г., при испробувањето на минофрлач кај селото Буринец на планината Караорман.

                                                                                                                          подготвил: д-р Александар Литовски, историчар

Графит со фашистичка порака испишан   е денеска на фасада  на битолски Широк Сокак. Графитот е на македонски и албански јазик, што алудира  на Законот за употреба на јазиците.