Пишува: Александар Литовски

Независните синдикални организации на двете општински јавите претпријатија „Водовод„ и „Паркинзи“, се наметнаа како релевантни партнери во разгoворите   преку кои се издејствува линеарно зголемување на платите во нето износ од 2. 806 денари за сите вработени во јавните претпријатија започнувајќи од месец август. 

На Националното првенство на младинци/ки, 24 - 25.06.2022 во Скопје битолските атлетичари блескаа.

 - Наталија Чона на 100 метри, на 3то место, со личен рекорд од 13.22

- Христијан Котевски на 100 метри, освоено 3то место со личен рекорд и време 11.65 и второ место на 400 метри со време 52.98

- Стефан Туловиќ, освоено шесто место на 100 метри, со време 12.17

 - Најмладиот учесник на натпреварот, десетгодишниот Илија Петровски, на 100 метри оствари одличен резултат од 17.47, и пред него претстои блескава иднина.

На натпреварот со нив беше тренерот на АК „Олимп“, Вера Велјановска. 

АД ЕСМ понуди цена на произведената електрична енергија од 48 евра за мегаватчас за периодот јули-декември 2022г. Цената за претходното шестмесечје, јануари-јуни 2022г изнесуваше 41е/МWh.

Корекцијата на цената мора да се гледа во контекст на енормното зголемување на цените на енергенсите на глобално ниво, како и нивната недостапност, особено во период на грејна сезона. Цените на мазутот, јагленот, гасот и електричната енергија забележуваат исклучително поскапување и тешкотии при набавката, што влијае врз производната цена на електричната енергија од АД ЕСМ.

Кога се анализира понудената цена од 48 евра за мегаватчас треба да се земе предвид дека цените за електрична енергија на берзата HUDEX за периодот јули-декември 2022г. се движат меѓу 320 и 360 евра за мегаватчас. Доколку АД ЕСМ пресмета пазарна цена кон ЕВН Хоме тогаш крајната цена за граѓаните би била приближна до бројките од берзанските цени.

АД ЕСМ и натаму се обидува да одржува колку што може пониска цена и корекциите да бидат во рамките на тоа што е неизбежно за да се обезбеди функционалност на компанијата.

За периодот јули-декември 2022, ЕСМ ќе ги обезбеди вкупните количини на електрична енергија кои му се потребни на ЕВН Хоме, односно 100% да ги покрие потребите на граѓаните и малите потрошувачи (законот за оваа година го обврзува ЕСМ за 60%), како и  целосно покривање на техничките загуби во системот на ЕВН Електродистрибуција и целосно покривање на техничките загуби во системот на МЕПСО. Исто така, ЕСМ се обврза да обезбеди и дополнителни 10% енергија доколку ЕВН Хоме го побара тоа во текот на договорниот период.

Конзумот на ЕВН Хоме е зголемен за 27% , поради префрлањето на потрошувачи од слободниот на регулираниот пазар (деловни субјекти, општини, јавно осветлување).

Од тие причини, АД ЕСМ го зголеми планот за производство на електрична енергија за 2022г. за 20% од производството во 2021г.

 Дополнителните потреби на ЕВН Хоме и на ЕВН Електродистрибуција ќе ги задоволиме со дополнителна набавка на јаглен за зголемување на производството од термоелектраните Битола и Осломеј, како и обезбедување доволни количини мазут за работа на ТЕЦ Неготино.

Митра Ристевска припаѓа на едно од четирите згрижувачки семејства во Битола. Таа веќе 15 години одгледува дете кое останало без родителска грижа. Во нејзиниот дом е од најрана возраст, сега е средношколец. Митра вели дека кај мајката згрижувач нема разлика дали го родила или само го одгледува детето, вели и љубовта и тагата и радоста се исти за сите деца во семејството.

-Што значи згрижувач? Тоа си пред да го земеш детето, потоа е исто како да си го родилa. Го сакаш и повќе од тоа, затоа што знаеш дека на детето му треба помош и многу љубов. На сите деца им посакувам да најдат семејство, да се згрижат, да бидат сакани, среќени и весели во семејствата, вели Митра Ристевска, згрижувач од Битола.

Во Битола има само 4 згрижувачки семејства, интересот е мал во споредба со соседните општини, каде бројот на вакви згрижувачи е над 30.

-На овие деца потребно им е семејство, потребен им е топол дом каде тие ќе растат. Згрижувачите се нашите херои, а битолчани се познати по својата хуманост, а хуманоста можат да ја изразат на овој анчин, да згрижуваат повеќе деца, рече Лидија Ѓошевска, директор на Центарот за социјални работи во Битола

Министерството за труд и социјала, заедно со СОС Детско село, отпочнаа кампања за поттикнување на хуманоста за згрижување деца и зголемување на бројот на потенцијални згрижувачи под мотото „Подај рака, промени живот стани згрижувач“, а каравнот денеска беше во Битола

-Се надеваме дека преку оваа кампања која е само почеток на нашите напори да се доближи идејата за згрижување и ќе се зголеми бројот на згрижувачки семејства и во Битола, рече Јасминка Кочовска од Центарот за поддршка на згрижувачки семејства во Битола

На настанот, свое обраќање имаше и министерката за труд и социјална политика, Јованка Тренчевска, која нагласи дека во државата има 350 згрижувачки семејства кои се грижат за 600 корисници, но сеуште потребата за згрижувачки семејства е голема.

Градоначалникот на општина Битола, Тони Коњановски, нагласи дека, развојот на социјалните услуги во локалната заедница и нивната достапност до граѓаните треба да биде постојана заедничка заложба, на сите релевантни субјекти кои делуваат во оваа област.

-Локалната самоуправа, преку активно делување во делот на своите надлежности, ќе даде свој придонес во  идентификување на потенцијални згрижувачи кои ќе обезбедат грижа и заштита на децата и ќе овозможат одржување на врските со семејството, заедницата и културното потекло. Истовремено, се заложуваме за развој на систем на поддршка од други дополнителни социјални услуги кои понатаму ќе се усовршуваат и развиваат, согласно потребите на населението и граѓаните од овој град. , рече градоначалникот Тони Коњановски.

Едно згрижувачко семејство за згрижување на едно дете од државта добива 16.700 денари, за две згрижени деца по 14.500 за секое дете итн. За згрижување лице со попреченост, згрижувачкото семејство добива речиси 20 илјади денари