ВРЕМЕТО УТРЕ (21.02): Сончево и релативно топло со мала до умерена облачност.

Во текот на вчерашната вечер (19/20.02.2022) во периодот од 22.00 до 05.00 часот спроведена е зајакната акциска контрола за санкционирање на возачи кои управуваат возила под дејство на алкохол на територијата на СВР Битола, при што санкционирани се 65 возачи.

Пишува: Александар Литовски

Од СВР Битола соопштија дека вчера во 10.30 часот во СВР Битола било пријавено дека бил оштетен споменикот на бранителите, лоциран кај градскиот часовник. Се преземаат мерки за расчистување на случајот.

Постаментот на споменикот беше оштетен и пред една годинна кога се покажа дека тоа беше  под дејство на атмосферски влијанија, а не вандалски чин. 

Градоначалниците од редовите на ВМРО-ДПМНЕ за првите 100 дена реализираа 1.000 лаги. 100 дена беа доволни за да се покаже целата неспособност на градоначалниците од ВМРО-ДПМНЕ. Партизација на општините, оправдувања за неработа, трошење пари на непродуктивни трошоци како чоколади, мобилни телефони и очила за сонце од неколку илјади евра. 
Христијан Мицкоски отчет треба да даде признанијата за ,,Титаник" а потоа и да се повлече од политиката. ВМРО-ДПМНЕ и Мицкоски знаат само за блокади и деструкции, нивниот најнов проект е блокада на Законот со кој за 27.000 наставници се обезбедуваат поголеми плати а за 4.700 трајни вработувања. ВМРО-ДПМНЕ и Мицкоски се грижат единствено за своите и за партиските интереси и дејствуваат на штета на интересите на граѓани, пишува во реакцијата на СДСМ на изјавата од Мицковски дадена во Битола за проектиоте во стоте дена од мандатите на градоначалниците на ВМРО-ДПМНЕ. . 

„Јас доаѓам од битолското здравство, тука се моите почетоци и во професионлната креира во Клиничката болница Битола во одделот за неврохирургија и Високата медицинска школа. За она што можам да се заложам зашто не зависи се̍ од мене, меѓутоа и мојот личен ангажман во кореалција со функцијата што ја имам ќе се заложам максимално да го вратам достоинството и на здравството и на образовниот дел од градот како што заслужува, рече заменик министерот за здравство д-р Владимир Рендевски запрашан како битолчанец дали планира од оваа функција да му помогне на битолското здравство и во кој сегемент.

Битолчани на нов протест против поскапувањето на горивата. Булеварот „Први Мај“ пред Општина Битола беше блокиран од двете страни на реката Драгор  на еден час како револт кон превисоките цени на горивата, а мирниот протест беше организиран од вљубеници во автомобилите, членови на Кар клуб Битола.  

Млади, повозрасни битолчани, жени со колички, вакцинирани, неимунизирани...Редици битолчани денес чекаа пред пунктот на Магнолија каде се вршеше бесплатен серолошки тест за антитела во рамки на скинингот што го отпочна Министерството за здравство со цел да се утврди каков имунитет на ковид-19 има населението во земјава и да му помогне Комисијата за заразни болести во планирањето на идните мерки во борбата со пандемијата.

„Два пати сум прележан, не сум вакциниран, сакам да видам дали имам антитела. Од болеста не се плашам, се затекнав случајно тука и си реков да проверам, зошто да не, бесплатно е“, ни рече еден битолчанец.

“Три пати сум вакциниран, ама решив да проверам дали имам антители“, рече друг битолчанец. 

Предвидено е да се направат околу 3000 анализи од кои 1000 во Скопје, а од другите градови скрининг -тестирањето започна од Битола каде денес присуствуваше и министерот за здравство Беким Сали. Тој рече дека од резултатите на ова тестирање ќе зависи понатамошното олеснување на мерките, а за да се врати нормалното функционирање потребно е над 70 проценти од граѓаните да се имунизирани.

„Бројот на заболени на ниво на држава благо се намалува од пикот во четвртиот бран. Кај нас нивото на вакцинација и целосна имунизација на нашата популација е пониска од Европа. Ние поскакуваме да имаме позитивни резултати од анализата што ја правиме за врз основа на тоа да ги намалиме мерките и да бидеме слободни за функционирање. Но, се зависи од епидемиолошката состојба на нашите граѓани. Доколку добиеме резултати кои се позитивни, односно над 70 проценти да е вкупната имунизација во државата, тогаш можеме да кажеме дека почнуваме со олеснување и нормално функционирање на животот на нашите граѓани’, рече Сали.

Во однос на скринингот кај учениците, тој додаде дека од 200 ученици на школска возраст кои вчера беа тестирани како дел од постапката за утврдување на трансмисијата на коронавирусот во училиштата, само едно лице беше позитивно.

„Резултатите се позитивни, од направени 200 анализи во текот на вчерашниот ден сме добиле само еден позитивен резултат. Се надевем дека во Скопје уште два-три дена ќе потрае анализата зашто тука беше поголемиот број на новоинфицирани деца, доколку биде таков бројот и во другите делови во градот во тој случај нема потреба од продолжување на анализите“, рече министерот.