Министерството за здравство информира, согласно податоците од Институтот за јавно здравје дека во последните 24 часа:

Шведскиот филм „Надеж“ на режисерката Марија Содал, со легендарниот Стелан Скарсгард и норвешката актерка Андреа Браин Ховиг, од денеска се прикажува во Центарот за култура Битола (мала сала). Филмот ќе биде на репертоарот денеска, утре и задутре од 20 часот.

На социјалните мрежи има стотици коментари на битолчани кои бараат ослободување на битолчанецот кој вчера го уби зетот за ќерка кој пак насилно со мачета му влезе во домот и му се закануваше. Битолчаните коментираат дека дека секој родител би си го жртвувал животот за сопственото дете кога би дошол во безизлезна ситуација.

„Слобода за родителот, тој само си го штител своето дете, како во природата што секое живо суштество инстиктивно би реагирало. Слобода за родителот заштитник кој не дозволи пред очите да му се случи лошо на сопствената ќерка“, пишуваат битолачни.

На социјалните мрежи се јави и синот на осомничениот кој објави фотографија со татако му и напиша: „Ти не си татко, ти си херој, човек со големо срце, ти си мој, наш единствен и посебен татко, човек со чисто срце кој застана на страната на животот во целата фамилија“. На јавноста ѝ порача „немој да судите без да ја знаете вистината“.

Убиството се случи вчера во куќата на осомничениот,  откако неговиот зет насилно влезе и како што вчера соопшти СВР понал да се заканува на осомничениот, односно на неговата жена. 

Според соопштението од Основното јавно обвинителство на Република Северна Македонија, сомничениот со умисла го лишил од живот неговиот зет за ќерка и за него е побаран притвор. 

Укинување на задолжителното поседување негативен ПЦР тест или потврда за прележаност на ковид-19 или вакцинација при излез од земјата, а бремените жени да се вратат на работа. Ова се двата предлога што Комисијата за заразни болести ќе ги достави до Министерството за здравство откако епидемиолошката состојба во земјава почна да се смирува.

„Тоа не значи дека во земјите каде е потребно да се поседува сертификат или ПЦР дека нема да се бара туку се укинува само мерката од минатата година дека треба овие документи да се прикажат при излез од државата“, рече д-р Злате Мехмедовиќ од Комисијата за заразни болести.

Во однос на бремените жени рече дека се предлага да се укине ослободувањето од работа согласно препораките од релевантни институции и од примерите во светот каде силно се препорачува жениte кои планираат бременост, се бремени или дојат да се вакцинираат и на тој начин да го заштитат своето здравје.

Мерките за заштита од ковид-19 во земјава остануваат исти. Мехмедовиќ изјави дека вакцинацијата во нашата земја со примени две дози е 41 процент што е малку за да се размилсува во насока на укинување на некои од мерките кои спречуваат трансмисија на вирусот.

„Се̍ уште се наоѓаме во широка трансмисија на вирусoт на локално ниво и укинувањето на било која мерка и сертрификатите може да доведе до влошување на епидемиолошката состојба и повторно полнење на болниците и амбулантите“, рече Мехмедовиќ.

Битола има застарен Генерален урбанистички план (ГУП) кој не е обновен 23 години и не ги задоволува современите урбанистички потреби на градот. Недостига смирување на сообраќајниот метеж преку воведување еднонасочни сообраќајници, поради неплански градби невозможно е проширување на улиците, околните ридови кои некогаш беа рекреативни зони сега се преполни дивиградби, градот се празни, а згради никнуваат на секој чекор… Архитектите критикуваат дека стариот ГУП не може да понуди визија за понатамошен урбанистички равој на Битола.

„Тоа што не е донесен ГУП се одразува многу негативно, бидејќи прво со донесување закон за легализација на дивоградбите се потикнува дивото градење. Градот се проширува, се гради неплански, што има влијание врз квалитетот на живот. Не се добро проектирани, односно предвидени инфраструктурните инсталации, водовод, канализација и останатите, а со новите непланирани приклучоци се раскопуваат улиците за кои треба санација. Градот сообраќајно се решава парцијално без плански одредби или застарени, според некогашните правила и прописи. Тие што градат дивоградби не плаќаат комунални давачки кои се користат за изградба на нови улици. Не може да се понудат решенија за проширувањето на границите на градското подрачје, односно на каде ќе се развива градот“, велат архитекти од Битола.

Од Општината најавија дека годинава ќе почнат постапката за изработка на нов ГУП. Велат, актуелниот е работен врз анализи кои не кореспондираат со времето во кое се применува, поточно 20 години подоцна. Тој е димензиониран за демографска состојба, соообраќајни потреби, сопственички односи, стандарди на живеење различни од денешните.

„Актуелниот ГУП се темели на регулатива, стандарди и нормативи за урбанистичко планирање неприменливи во современ контекст. Основниот развоен документ на градот е во голем расчекор со целите за одржлив развој и останатите глобални развојни документи во сферата на урбанистичкото планирање’’, соопштија од Општината.

На прашањето кога ќе биде донесен, од Општината велат дека динамиката ќе биде согласно законската регулатива. Од Јавното претпријатие за урбанистичко планирање неодамна соопштија дека главна активност во тековната година ќе биде нацрт фазата за изработка на ГУП-от.