Во Битола е зголемен интересот на пензионерите пензијата да ја добиваат во својот дом, лично доставена од локалниот поштар, изјави за МИА, Пеце Кондовски, директор на Пошта, подружница-Битола.

Според Кондовски, новиот позитивен амбиент и враќањето на традицијата поштарот да ја донесе пензијата во домот на пензионерот се должи на желбата да се биде рационален и да не се троши време на чекање во редици во услови на пандемија.

-Основен мотив да поведеме кампања за зголемување на соработката со пензионерите во Битола, но и во македонските пошти низ цела држава, беше да ја обновиме традицијата локалниот поштар во нивниот дом да ја донесе нивната пензија. На тој начин ќе придонесеме да не се изложуваат на непријатно чекање во редици пред банките, ќе им овозможиме слободното време да го планираат рационално и креативно, директно ќе влијаеме за заштита на нивното здравје и безбедност, и секако навремена и сигурна исплата на пензијата, посочи Кондовски.

Вработените во битолската Пошта во чија недлежност се 29 единици на поштенска мрежа во општините Ресен, Демир Хисар, Могила и Новаци, подготвени се во детали да им појаснат и ги информираат пензионерите за начинот користење на услугата за доставување пензија во домот на секој пензионер.

-Максимално сме ангажирани во секој сегмент од поштенското работење да им помогнеме на пензионерите. Нашето секојдневно присуство на терен во урбаните и руралните средини, секојдневните непосредни разговори со пензионерите и информациите кои тие ни ги посочуваат, кај нас го зголемија оптимизмот дека треба нашиот ресурсен потенцијал да го ставиме во функција на пензионерите, да им помогнеме, а ако треба некои и да ги охрабриме, довербата да ја дадат на својот поштар. Пријатно сме изненадени и од новата генерација пензионери кои сакаат да бидат рационални, практични и веднаш се одлучуваат на соработка со нашата Пошта, нагласи Кондовски.

Со кампањата на поштенските работници за зголемување на бројот не пензионерите што ќе ја користат услугата за доставување на пензијата во својот дом, полека но сигурно се враќаат т.н. златни времиња на Пошта кога скоро секој пензионер по автоматизам се одлучуваше во својот дом да го пречека својот поштар и да ја добие својата пензија, информираа од битолската Подружница на АД Пошта на Северна Македонија.

Извор МИА

https://mia.mk/%d0%b2%d0%be-%d0%b1%d0%b8%d1%82%d0%be%d0%bb%d0%b0-%d0%b7%d0%b3%d0%be%d0%bb%d0%b5%d0%bc%d0%b5%d0%bd-%d0%b8%d0%bd%d1%82%d0%b5%d1%80%d0%b5%d1%81-%d0%b7%d0%b0-%d0%b4%d0%be%d1%81%d1%82%d0%b0%d0%b2%d1%83/?fbclid=IwAR1HFVwO_n4pCoYFRiUR3NfewPNm4CtI2PptW5W-Xfjzl4j1143m2fNeW_4

Во акција на комуналните служби и полицијата утрово во дел од центарот на Битола, кај Градската библиотека беа отстранети грешно паркираните возила. 

Семејството на Тони Ѓоргиевски Фердо кој е обвинет за убиство со умисла, затоа што го застрела поранешниот зет за ќерка кој со нож насилно му упадна во домот, бара да се укине мерката притвор и осмничениот да се брани од слобода. Нему денес му е определена мерка притвор од 30 дена, а синот повика на мирен протест кој ќе се одржи утре во 12 часот пред Основниот суд во Битола

-Драги пријатели, добронамерници и сите што ја знаете вистината за мојот татко кој што си ја бранеше својата фамилија од 20 годишните маки. Ве повикувам на ден 23.02.2022 во 12 часот на мирен протест пред Судот во Битола поради одлуката на Судот за притвор на мојот татко и истиот да биде пуштен дома за да се брани од слобода затоа што делото го направи во самоодбрана за да спаси 5 животи и неговиот 6, напиша синот Јове на социјалните мрежи

 https://m.facebook.com/

Поради две заглавнеи цистерни, во застој се колони возила  на  неисчистениот патен правец Битола-Ресен на превојот Ѓавато,  по новите врнежи од снег, јавуваат читатели на апла.мк

Новиот генерален конзул на Република Грција, Александрос Видоурис денеска оствари  прва работна посета на Општина Битола

Владата на денешната седница ја донесе Одлуката за посебни услови за трговијата на одделни стоки со која се замрзнуваат цените на дополнителни продукти како што се овошјето, зеленчукот и пченицата и се определува највисоката трговска маржа за да се елиминираат можностите за раст на цените по други основи.

Февруарските пензии ќе бидат предвреме подготвени за готовинска исплата во четири групи почнувајќи од 24 февруари 2022 година до 01 март 2022 година, а средствата за пензиите преку банкомати и трговска мрежа да бидат достапни од 24 февруари 2022 година, соопштија од Владата