АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Септември 19, 2025
Анета Блажевска
(видео) „За Солуна, за Станбола, неа не давам“-Битола низ објективот на Златко Јосифовски
Јануари 29, 2022Реакција на ВМРО-ДПМНЕ на обвинувањата на СДСМ за ,,Зимска приказна"
Јануари 29, 2022СДСМ во недостаток на конструктивни идеи, аргументи и причини за обвинувања на посветеното и проактивно работење на локалната самоуправа, се реши да го критикува настанот кој ги сплоти битолчани - Зимската приказна за која се зборуваше во суперлативи и која долго ќе се памети и прераскажува.
СДСМ се обиде да ја исполитизира културата, како што впрочем и ја користеа културата во нивното минато, селективно и за свои цели, нарекувајќи ги денес културните уметници и ентузијасти од нашиот град, продавачи на кампањска шарена приказна.
Зборот “шарена”, кој го користат, реално и најмногу ги демаскира.
Зимска приказна во деветте денови континуирана програма понуди содржини за сите генерации, а битолската локална културна сцена, беше поддржана преку транспарентен процес, јавен конкурс, нешто што беше непознато изминатите 4 години за време на владеењето на СДСМ.
Културата, за ВМРО ДПМНЕ не познава припадност кон политичка партија, туку квалитет, инвентивност, креативност….
Токму затоа, на јавниот конкурс на општината за новогодишната програма, беа прифатени и поддржани сите апликации.
Битола и битолчани умеат да направат разлика. И тоа го проценија уште во првите 2 месеци по промената на власта, а тоа е нешто што не обврзува нас како локална самоуправа посветено и мотивирано да продолжиме и да ја реализираме програмата со која ја добивме нивната доверба.
И не само во културата, туку и во сите други области, на чие подобрување активно работиме.
Непотизмот пак, од друга страна е тема за која е најдобро да молчат, но доколку тоа е нивниот најсилен адут, ќе ја информираме јавноста како изгледа непотизмот кога СДСМ е на власт, истакна советничката Анета Ѓоргиевска од ВМРО-ДПМНЕ Битола.
На 28/29.01.22 во периодот од 22.00 до 03.00 часот полициски службеници од СВР Битола на подрачјето на СВР Битола спроведоа акциска контрола за управување возило под дејство на алкохол. За време на контролата констатирани и законски санкционирани се 24 прекршоци.
Започнува реализацијата на четири проекти од Програмата за социјална заштита на општина Битола. Градоначалникот Тони Коњановски и претседателката на ОО организација на Црвен крст од Битола, Лилјана Ристевска, потпишаа два договори со кои општината ќе ја продлабочи понатамошната соработка со Црвениот крст, со цел реализација на повеќе проекти во интерес на граѓаните.
Првиот договор е со максимален износ од 900.000 денари и се однесува на згрижување на бездомни лица и лица во ризик.
За вториот договор денес е објавен јавен повик за обука на 24 невработени лица, за лични асистенти на лица со попреченост, во период од три месеци. По успешното завршување на обуката, лицата во договор со Црвениот крст ќе бидат работно ангажирани. Овој јавен повик е почетна активност кон реализација на проектот „Асистенти за независен живот“. За реализација на оваа проектна активност, општината издвојува 480.000 денари.
Како дел од Програмата за остварување на социјалната заштита во Општина Битола за 2022, објавен е и јавниот повик за поддршка на проекти и програмски активности на здруженија на граѓани кои работат во областа на социјалната заштита, за кои ибезбедена е финансиска поддршка од 640.000 денари на проекти на здруженија на граѓани и фондации кои работат во областа на социјалната заштита. Поддршката се однесува на неколку области: намалување на сиромаштијата и социјалната исклученост, социјална заштита на лица со попреченост, социјална заштита на стари лица, како и поддршка на активностите на советите на Општина Битола, како што се Совет за превенција на детско престапништво, Совет за социјална заштита, Совет за безбедност на сообраќајот на патиштата, Локален економско-социјален совет, Совет за заштита на потрошувачи, Локален волонтерски совет.
Како четврт проект е оној за за обезбедување инфраструктура на лицата со попреченост, во нивните домови, за што повикот ќе биде објавен по донесувањето на Правилникот од страна на Советот на општина Битола, на седницата која ќе се одржи во понеделник. Овој повик, по објавувањето ќе биде отворен во текот на целата година, до искористувањето на предвидените средства од 1.000.000 денари.
„Вкупната вредност за наведените проекти со кои од една страна се обезбедува социјална заштита, а од друга страна обука за побарувани занимања, што понатаму ќе донесе и можности за вработување на нашите сограѓани, изнесува 3.000.000 денари“, изјави Градоначалникот на општина Битола, Тони Коњановски.
Претседателката на ОО на Црвен крст, Лилјана Ристевска, нагласи и општината и Црвениот крст во 2022 година ќе се соочат со многу предизвици, особено поради зголемениот број на бездомни лица. Но, со заедничка активност, предвидена е реализација на повеќе активности кои ќе го подобрат животот на социјално ранливите категории граѓани.
--
Полициски службеници на СВР Битола денеска (28 јануари) од 11 до 15 часот, презеле 17 мерки против возачи кои не пропуштиле пешак на пешачки премин.Во рамките на овие активности биле откриени и санкционирани и 18 други видови сообраќајни прекршоци, кои биле заокружени со соодветни поднесоци.
СВР Битола и во наредниот период ќе продолжи со вакви и слични активности и апелира до возачите секогаш да ги пропуштаат пешаците односно да ги почитуваат сообраќајните правила и прописи.
„Офицерскиот Дом, кој ДПМНЕ го третираше како приватен имот и сакаше да го продава, по доаѓањето на новата локална власт повторно станува синоним за нивното разбојништво недомаќинско и неодговорно однесување.
Денес истиот станува параван за печалење на пари, на блиските на фамилиите на ДПМНЕ и Поинаку претворени во настан наречена ,,Зимска приказна“.
Ги прашуваме Дпнме и Поинаку јавно да им кажат на граѓаните колку од нивните пари завршија во џебовите на жената на наводниот секретар на Општина Битола, браќата на советници од Поинаку и Дпмне, како и една од фирмите која е во сопственост на советник од советничката група на Поинаку.
Иако официјално тврдат дека потрошиле 25 илјади евра, нашите сознанија се дека се потрошени околу 50 илјади евра.
На седницата која ќе се одржи во понеделник ќе бараме финансиски извештај за целокупната зимска приказна која од зимска стана непотистичка и која под превезот наречен ,,Дочек на нова година“ се претвори во сказна за полнење на нечии џебови на луѓето кои на граѓаните кои само пред три месеци им продадоа кампањска шарена приказна“, изјави Мирјана Захариевска-Ралевска, советник во Општина Битола од редовите на СДСМ Битола.
Најчитани
