Учениците во основните училишта се ослободуваат од обврската да носат маски на училиште, но тоа не важи за наставниците и техничкиот персонал, препорача денес Комисијата за заразни болести. Претседателот Александар Петличковски рече дека оваа препорака нема да биде задолжителна и доколку некое од децата сака да продолжи да носи маса тоа може да го стори.

Исто така донесена е препорака за зголемување на капацитетот на исполнетост во затворените објекти како опери, театри, кина и друго од 50 на 70 проценти. А третата препорака е укунување на сертификатите за посета на угостителски објекти на отворено. Препораките ќе бидат доставени до Главниот кризен штаб и од таму на Влада за да бидат донесени во најкус можен рок.

„Дали Битола, нема квалитетни луѓе, па моравте да го донесете бившиот секретар на Општина Ресен да биде раководител на сектор урбанизам? Откако Ресен го направи Холивуд, зарем сега очекувате Битола да ја направи како Холивуд? Зарем толку ја сакате и почитувате Битола?“ Вакво советничко прашање упати советникот Зоран Ѓорѓиев од НСДП до градоначалникот Тони Коњановски.

Градоначалникот договори дека тој не би ги делел луѓето од кое место доаѓаат, а би се задржал на стручноста и професионалноста.

„Се работи за човек со големо искуство во струката, осум години како раководител во сектор за урбанизам, која согласно законските можности кои ги дава Законот за административни службеници преку принцип на мобилност, преземање, стана дел од вработените на Општина Битола. Тоа ќе ја подобри целата организација во работењето, посебно во урбанизмот, ќе внесе нов квалитет“, рече Коњановски.

Почна реконструкцијата за фасадата на ОУ „Коле Канински“ - Битола. Градежните работи се изведуваат од вчера, со што ова основно училиште ќе добие сосема нов лик. Фасадата ќе биде енергетски-ефикасна, со што ќе се заштедат средства за затоплување на училишните простории.

- Инвестицијата ќе чини 130.000 евра, обезбедени средства од повикот за капитални инвестиции во образованието и училиштата, од Министерството за образование и наука. Ова е прва реконструкција на фасадата на училиштето уште од неговата изградба во 1963 година - вели Зоран Мирчевски, директор на училиштето.

- Дополнително на овој проект, во наредниот период надворешното ракометно игралиште ќе добие гумирана подлога, а просторот ќе биде ограден со што ќе се добие поголема безбедност на учениците - информира за „Апла“ заменик-директорката Лидија Недановска.

Се очекува проектот да заврши со почетокот на новата учебна година, а од училиштето апелираат во меѓувреме учениците да внимаваат на градежните активности.