Здружението за негување на културното и обичајно наследство „Завештание“ - Бабино (Демир Хисар) по петти пат, викендов ја одржа книжевната манифестација исто така насловена „Завештание“ во двориштето на храмот „Св. Ѓорѓи“ во Слоештица, родното село на писателот Петре М. Андреевски.

Неколку часовната програма беше обогатена со промоција на „Зборник“ со трудови од минатата година, промоции на книгите поезија: „Алхемија на вечната земја“(Лили Бошевска), „Забрането овошје“ (Никола Илиовски), „Навите“ (Радован П. Цветковски), изложба и поетско читање.

Демирхисарскиот предел не престанува да ги маѓепсува уметниците со неговите природни убавини

Овде се излегува „На мегдан за татковината“, со созвучјата на поезијата, измолена од перото на Раде Силјан, поет библиофил и еден истакнатите македонски книжевници на новото време. Можат да се насетат детските патеки, развигори и долови на детството на еден од најпознатите писатели за деца - Горјан Петрески.

На иницијатива на Доброволното противпожарно друштво „Архангел“ Битола со поддршка од ЈУ Национален парк Пелистер, ЈКП Комуналец, ЈП за одржување и заштита на магистрални и регионални патишта Македонија Пат-  Битола, „7-ми Мај“ Битола, како и други фирми и граѓани се изведе еко акцијата на местото Чешмите-Ѓавато.

На акцијата учествуваа околу 40 учесници кои успеаја да соберат околу 5 тони отпад и 4 камиони гранки и друга дрвна маса од местото кое претставува една позната точка за одмор на сите битолчани како и голем број на граѓани кои поминувајки по патот Битола -Ресен, а тука застануваат на  почивка.

„Голема благодарност до сите кои се одзваа на повикот и допринесоја акцијата да биде успешна а со тоа ја покажаја својата општествена одговорност, се надеваме дека ова нема да биде последна акција со надеж на поголема иницијатива, поддршка и сплотеност до помасовни акции“, изјавија од ДПД „Архангел“- Битола

Битолчанки кои боледуваат од мултипна склероза, како и нивни поддржувачи, денес го кренаа гласот против предрасудите што постојат за болеста. На Светскиот ден за борба против неа тие одржаа марш низ Широк Сокак наречен „Галсно за МС“ со цел да ја подигнат свесноста кај другите луѓе за мултиплекс склерозата. .

Пушува: Александар Литовски

Од 26 до 29.05 оваа година во Кавадарци се одржа Државниот натпревар за ученици од основното музичко образование,  со физичко присуство и запазување на сите протоколи. Младите виолинисти од Битола кои зедоа учество во различни возрасни категории многу успешно се представија и сите се вратија со награди. Па така, Ивана Крстевска III одделение освои трета награда, Марио Андреевски VI одд. трета награда, Елена Георгиева VI одд. прва награда, Андреа Нешковска VII одд. втора награда и Марко Крстевски VIII одд. прва награда.

Наградата ја чувствувам како да сум ја добила за битолски услови Пулицеровата награда за новинарство зашто е на врвот и нема повредна за нас новинарите од битолската фела, докажани многу и како дописници, но не стигнуваме до наградите во Скопје што се доделуваат за новинарство, не знам зошто, дали сме маргинализирани, рече долгогодишната новинарка Анета Блажевска од Битола добитничка на наградата за новинарство „Тоде Петревски“ што 17 години со ред ја доделува „Битолски весник“.