Светскиот ден за заштита на животната средина 5 јуни, во Општина Битола беше одбележан со неколку масовни акции.

Градоначалничката на Општина Битола Наташа Петровска, истакна дека годинава, покрај масовново чистење, кое го изведоа екипите на ЈП „Комуналец“ и граѓаните, акцент е ставен и на други активности.

„На одбележувањето на Светскиот ден за заштита на животната средина, покрај масовните акции за чистење на околината и мини депониите, акцент се стави и на зазеленувањето на нови површини, нови детски паркови и осовременување и заштита на објектите, во насока на зголемување на нивната енергетска ефикасност. Ме радува тоа што градот веќе има нов лик, цветен, оплеменет, со нови зелени содржини, со нови рекреативни површини наменети за сите генерации. На сите нас останува да ги чуваме и заедно да дадеме придонес за заштита на животната средина“, рече градоначалничката Наташа Петровска.

По повод 5ти Јуни Денот за заштита на животната средина, ЈП „Комуналец“ зеде активно учество во акцијата која ја организира Општина Битола.

„ЈП Комуналец Битола изврши чистење на мини депонии со боб кет и кипер (камион) во с.Г.Оризари, кај Правен факултет и во населбата Димче Лахчански. Исто така во текот на денот ќе се изврши и целосно косење, метење, миење, утовар на органски смет и собирање на хартија околу станбените објекти во Населба Ремо и „Смилевски Конгрес“.Во оваа акција се вклучени 20 работници, 11 грбни косилки (тример) 2 тракторски косилици со предно косење, трактор со метларка, трактор за утовар на органски смет и цистерна за миење“, истакна директорот на ЈП Комуналец, Панде Богоевски. Акцијата ќе се изведува до попладневните часови.

Холандската фондација ВЛА-ДОБРО, чиј основач е Владо Велјановски, Македонец кој живее и работи  во Холандија, донираше 25 медицински душеци, водоотпорни чаршафи и 12 наткасни за Инфкетивното одделние во Клиничката болница во Битола. 

-Многу сме среќни што  помагаме, се е од срце. Помош е секогаш и секаде добредојдена. Се годееме  затоа што тимски, преку нашата фондација,  овој проект успешно го реалзиравме за Битола, вели основачот на ВЛА-ДОБРО, Владо Велјановски.

Фондацијата е основана во 2006 година, со цел да помогне со донации, совети, споделување експертизи и поврзување, насочени во сите сфери на живеењето во Македонија-спорт, култура, социјалана помош, животна средина, образование, како и помагање на лица со попреченост. Од формирањето до денес сите идеи на основачот Владо Велјановски, се преточено во дела, а проектите се многубројни.

-Со сопругата Кате ова го работиме доброволено, во слободното време. По некоја случајност, наша сограѓанка од Македонија, Соња Вос-Ралевска, која живее во Холандија, ја забележа работата на фондацијата ВЛА-ДОБРО и тоа што ние се трудиме да го направиме  за нашиот крај. Така таа дошла до идеја да стапи во контакт со нас. Ни раскажа за Битола и не праша дали ние би можеле некако да помогнеме. Донацијата за Битолската болница, односно новите душеци, чаршафи и наткасни се резултат од една хуманитарна кампања во Холандија. Кога ги видовме сликите за условите во Инфективното одделение во Битола, се решивме да влеземе во акција. После период на подготовки и различни контакти, добовме информација што би било најдобро и најпотребно. Направивме план и мала реклама, а на крај сите работи ги нарачавме во Македонија, вели  основачот на фондацијата ВЛА-ДОБРО.

Владо Велјановски е роден во Македонија, во село Плаке, Охридско. Заедно со неговите родители, во седумдесетите години од минатиот век емигрирал во Холандија. Таму живее со своето семејство и работи како спортски репортер за Холандската национална телевизија.

-Како новинар патувам низ целиот свет. Но, ппостојано се прашувам како можам со моето богато животно искуство  да помогнам на мојата земја. Со години сакав да оставам нешто трајно за Македонија. За овој проект сакам да изразам голеа благодарност на многубројните донатори. Но исто така, се надевам дека пациентите  и медицинскиот персонал ќе имаат корист од оваа донација, а им благодарам за соработката и гостопримството на директорката на Клиничката болница во Битола, Билјана Гагачовска и инфектологот д-р Ели Димитровска, рече Владо Велјановски.

Директорката Гагачовска,  се заблагодари на оваа донација.

-Голема благодарност на господинот Владо и неговата сопруга Кате и нивната холандска фондација ВЛА-ДОБРО, кои што од Холандија органзираа хуманитарна акција и донираа 25 медицнски душеци, водоотпорно навлаки и 12 наткасни за потребите на Инфективното оддление во Клиничка болница-Битола , рече директорката Билјана Гагачовска.