На 14.04.2021 на подрачјето на СВР Битола биле извршиле засилени контролни активности на патниот сообраќај, при што биле откриени и санкционирани 21 возач кои ја пречекориле дозволената брзина, 16 возачи кои не поседувале возачка дозвола, три возила со истечена регистрација, шест возачи кои зборувале на мобилен телефон, тројца кои не користеле сигурносен појас и двајца други кои извршиле неправилно престигнување. За сите неправилности издадени се соодветни налози, информираат од СВР Битола 

Две лице со закани  се обиделе да го одземат дневниот  промет од вработениот во Поштата во близина на Железничката станица, при пто и физички го нападнале но не успеале во намерата. Од битолската полиција информаираат дека настанот се случил на вчера утро. 

-На 14.04 во 09.10 часот во СВР Битола било пријавено дека во експозитура на „Пошта на Северна Македонија“ на ул.„Македонска фаланга“ во Битола две лица со закана кон вработениот се обиделе да ги одземат парите од дневниот промет, при што и физички го нападнале, но не успеале во намерата. Се работи на расчистување на случајот, информираат од СВР Битола

По поставувањето на новите канделабри на пешачката улица на „Булеварот 1 Мај“,  поставени се  нови канделабри и на реконструираниот дел од улицата „Димитар Илиевски Мурато“.

 На 16-тото Генерално собрание на Мрежата на асоцијации на локални самоуправи од Југоисточна Европа (НАЛАС) кое од 12-14 април се одржа во главниот град на Молдавија, Кишињев, свое обраќање имаше градоначалничката на Општина Битола, м-р Наташа Петровска.

На Вториот форум на жени-градоначалнички во Југоисточна Европа, на тема „Инклузивен локален економски развој“ единствен говорник од Република Северна Македонија беше градоначалничката Петровска, која во своето излагање се осврна на влијанието на пандемијата врз работните обврски на жените, како и помошта, која Општина Битола ја дава при одредени реализации на програми за вработување. Таа посочи неколку практични примери, преку кои со поддршка на општината е овозможено жените да отворат сопствен бизнис, да креираат идеи и да ги реализираат во насока на сопствена егзистенција.

„Во Македонија од 10 најпогодени сектори и според падот на невработеност и според падот на плати, само во 2 сектора жените се над 50%. Иако најпогодените сектори се доминантно машки, отпуштањата од работа во земјата генерално се покажаа побројни кај жените“, рече Петровска.

Преку анкетирањата кои што беа дел од овој форум, учесниците ги искажаа своите ставови и мислења, по одредени прашања поврзани со влијанието на кризата врз активностите на жените во општеството. На форумот со свои дискусии учествуваа и градоначалнички од Словенија, Романија, Молдавија, а свое обраќање имаа и претседателката на НАЛАС Татјана Бадан, како и Ермира Лубани од Регионалната канцеларија на UN WOMEN.

По целосната реконструкција на зградата на Офицерскиот дом во Битола, започна и партерното уредување околу овој објект.

Деновиве екипите на ЈКП „Водовод“ работат во делот на интервенирање во местата каде што е предвидено да биде поставена дополнителна опрема со која ќе се наводнува околниот простор.

Офицерскиот дом се реконструира со средства кои Општина Битола, на иницијатива на градоначалничката Петровска, ги обезбеди со изготвениот проект за кој доби подгрант средства од Европската Унија во рамките на подгрантовата шема на проектот „Локална и регионална конкурентност“, финансиран од ИПА 2 доверителскиот фонд на Европската Унија, администриран од Светска банка.

Во последните 24 часа се направени 3.610 тестирања, а регистрирани се 949 нови случаи на КОВИД-19 во: