Велосипедистот од Битола, Јовче Даскаловски го освои првото место, а Александар Фидановски, третото на ендуро трката во Нови Сад, Србија на која учествуваа повеќе од 70 учесници. Станува збор за натпревар во планиски велосипедизам, кој се одржа во исклучително тешки услови, а нашите битолчани постигнаа одличен пласман. И двајцата се членови на клубот „Екстрим бајк тим Битола“.

„ Амбасадорите на нашиот град и држава изминатиот викенд со одлични резултати на ендуро трката во Нови Сад, Република Србија. Прво место за Јовче Даскаловски и трето за Александар Фидановски во генералениот пласман со повеќе од 70 учесници. Прва ендуро трка, први вакви искуства и секако голема мотивација за наредни вакви трки. Брутална трка е најмалку што може да се кажи во однос на вчерашните услови. Но тоа е тоа зошто ние возиме“, велат од клубот „Екстрим бајк тим Битола“.

Денеска(07.06.2021), полициски службеници од Отсекот за недозволена трговија со дрога и оружје при Одделението за криминалистичка полиција при СВР Битола го лишиле од слобода Д.Д.(35) од Битола. При претрес во неговиот дом, извршен со судска наредба, биле пронајдени и одземени повеќе пакувања со кокаин, дигитална вага, поголема количина пари(денари и евра), две патнички возила, три патрони за пушка и делови од пиштол. Тој бил приведен во полициска станица и по целосно документирање на случајот против него ќе биде поднесена соодветна пријава.

На ден 06.06.2021 во 19.05 часот во Ресен на ул. Иво Лола Рибар, во заедничка акција од страна на ПС од Отсекот за недозволена трговија со дрога и оружје од Одделението за криминалистичка полиција при СВР и УПС од Полициско одделение за БПС од ОВР Ресен затекнато е лицето Џ. М (21) во Битола, а живее во Ресен. При преглед кај лицето е пронајдена 1 Една најлонска паковка со 29,68 грама Хероин . Истата со потврда за привремено одземени предмети е одземена, а лицето е лишено од слобода. До ОЈО Битола е доставена кривична пријава, и од страна на Основен суд Ресен на лицето му е одреден 30 дневен домашен притвор.

„Дали си ти најдобрио битолски бељотџија“ е мотото под кое ќе се одржи првиот хуманитарен турнир во познатата битолска друштвена игра со карти бељот. Турнирот во организација на „Ротаракт клуб“- Битола ќе се одржи на 27 јуни годинава на пешачката патека покрај Драгор  со почеток во 10, 30 часот . Секое учество чини 300 денари. Организаторите велат дека сите собрани средства ќе одат во хуманитарни цели. Рокот на пријавување е до 22 јуни. Пријавување и дополнителни информации на телфонскиот број 078 826525