На ден 09.04.2021г.(петок) поради извршување на градежни работи во склоп на реконструкцијата на секундарната мрежа (pe100 da110) на улицата Никола Кирков Мајски, локалниот пат Битола-Брусник ќе биде затворен за сообраќај од 9 до 12 часот.

Битолската  библиотека „Св.Климент Охридски“ – Битола  по повод одбележувањето на 8-ми април - Меѓународен ден на Ромите започна да го реализира проектот „Читаме   онлајн приказни на деца и родители во време на пандемија ковид 19“.

Проектот вклучува онлајн активности на деца и родители (читање на приказни)  како и активности поврзани со  едукација на родителите на децата за начинот на реализација и поддршка при совладувањето на наставните содржини преку користење на литература, лектири и дополнителни образовни ресурси.

Целната група се  деца Роми од 2 до 10 години и нивните родители и сите заинтересирани

Цел на проектот е  организирање на слободното време на децата, организирање на   виртуелни училници за едукација и  реализација на наставни активности на  децата од 2 до 10 години во време на пандемија COVID-19; поттикнување на креативноста во воспитно- образовниот процес кај учениците Роми

-Да им овозможиме на децата редовни дружби со книгата од мали нозе, да им го збогатиме детскиот вокабулар со нови зборови, да ја поттикнеме љубопитноста од најмала возраст, да им ја развиеме способноста за памтење и креативност. Децата се како сунѓери, да им овозможиме нови знаења во забавна и опуштена атмосфера, вели координаторот на проектот Фатма Бајрам Аземовска - раководител од областа на Развој на библиотекарството, меѓународна соработка, маркетинг и односи со јавноста.

Проектот ќе се реализира во наредните три месеци,  со поддршка на Министерството за култура на Република Северна Македонија. Работилниците ќе ги спроведува Гзиме Коминовска со помош на библиотекари од одделението за развој на библиотекарството.

По повод одбележувањето на 8-ми април – Меѓународниот  ден на Ромите се одржа работилница  за значењето на овој ден, одржувањето на првиот конгрес на Ромите, кои одлуки се донесени на овој значаен ден за ромското знаме и химнa.

Почина 19 годишната девојка која вчера со тешка клиничка слика беше хоспиталаизирана во битолскиот КОВИД центар. Станува збор за лице со Даунов синдром и најмладиот пациент кој ја изгуби битката со вирусот во Битола. Од Клиничката болница велат дека девојката била донесена во исклучително тешка сосотојба, со симтпоми на КОВИД, ниска сатурација, но починала само неколку часа по приемот, пред да и биде земен брис за тестирање, поради што се води као суспектен пациент. 

Оние економски оператори кои овие две недели ќе бидат затворени ќе бидат опфатени со нови мерки, најави вицепремиерот за економски прашања Фатмир Битиќи

Министерството за здравство информира, согласно податоците од Институтот за јавно здравје:

Кој е патот што Македонија треба да го оди за да реализира праведна транзиција, пред сѐ, во енергетскиот сектор? Имаме ли ние точно издефинирано што подразбира праведна транзиција и дали ги опфаќа само вработените луѓе во одреден рудник или фабрика? Ова се дел од прашањата што беа отворени на денешната тркалезна маса на тема „Праведна транзиција“, што се одржа на зум-платформата во рамките на Националната конференција за клима.

Патот по кој нашата земја се движи e почнат, но мора да се вклучат сите релевантни институции, граѓанскиот сектор, локалното население, се согласија учесниците. Транзицијата на рудникот „Осломеј“ од Кичево беше земен како пример на кој конкретно се работи.

-Транзицијата не ги допира само вработените во одредена фабрика, но ги засега сите граѓани на различен начин. Влијанијата се и економски, социјални и културни. Проблемот не застанува кај вработените, овие нови невработени се соочуваат со големи проблеми во нивниот живот. Им се намалува нивната економска моќ, влијае на локалните текови во местото на живеење. Намалувањето на економската моќ на новоневработените и кога се случува на индивидуално ниво, не претставува проблем за заедницата, но кога станува збор за поголема група на луѓе, влијанието е големо. Ова влијае и на нивниот културен живот.– смета Смилевска и додава дека треба навремено да се провери дали тие работници можат да се преквалификуваат или можеби предвреме да се пензионираат.

Дали за случајот со Кичево се размислува во насока на развој на нови индустриски гранки, продолжува Смилевска.

-Многу е важно во која мерка Кичевчани се воопшто консултирани, а според нас, нивната вклученост во одлуките не е доволна. Граѓаните имаат свои идеи за развој на нивниот регион. Задачата на оние што ја планираат праведната транзиција е да го овозможат квалитетниот живот и регионот да напредува, дури и кога ќе се затвори индустријата. Институциите, работниците, малите бизниси мора да се вклучат во тие консултации – вели таа.

Таа посочи дека граѓанскиот сектор мора да се потруди најдобро што може да ги информира локалните заедници за процесите кои се случуваат.

Елена Николовска од „Еко-свест“ се осврна на тоа што досега е направено како чекор напред кон праведната транзиција, конкретно во Кичевскиот регион. Таа посочи дека во македонската легислатива засега не е добро издефинирано што точно подразбира праведната транзиција, зашто, како што истакна, добрата дефиниција ќе значи и правилно планирање на сите процеси што треба да ги опфати таа.

Николовска истакна дека е донесена енергетска стратегија 2020-2040, која предвидува напуштање на јагленот како енергенс до 2028 година. Се предвидува енергетска транзиција на Осломеј со 120МW фотоволтаични централи на местото на поранешниот рудник. Изработена е нацрт-програма за имплементација на стратегијата за енергија – програма за праведна транзиција една од мерките во документот. Македонија е земја-потписничка на декларацијата на Шилезија декларацијата за праведна транзиција и солидарност и ова значи дека сме се обврзале да превземеме некакви активности во оваа насока.

Свој придонес во дискусијата даде и Александру Мустата, претставник на CEE Bankwatch, низ конкретни примери од фабрики во Европа, посочи каков е процесот на праведна транзиција.

-Индустријата со јаглен отпушта многу работници, а постојат и нови алтернативни начини за производство на енергија. Меѓународните синдикати предлагаат решенија за работниците бидејќи нивните работни места беа под закана. Ако еден регион се фокусира само на туризам, на пример, еве посебно во период на пандемија, ќе се соочи со тешка ситуација. Кога се мисли на креирање работни места, не е непходно тоа повторно да биде некој голем работодавач. Никој не вели дека треба веднаш да се префрлите на обновливи видови енергија, можеби немате потенцијал за соларна енергија...Поентата е да не се најдете во иста ситуација, за 10 години пак да треба да ја менувате индустрија што загадува. Важно е да се мисли за алтернативи со нула емисии на јаглерод – вели Мустата.

Тој посочи дека и Македонија треба да користи што е можно повеќе фондови кои даваат поддршка во оваа област.

Смилевска објасни дека постојат финансиски средства кои можат да се искористат за помагање на оваа транзиција.

-Очекувам дека ќе се отворат нови фондови за земјите од Западен Балкан, зашто дел од европските фондови моментално не ни се достапни. Праведната транзиција се состои и во планирањето на финансисите. Ќе беше идеално ако почневме за Кичевскиот Регион да мислиме уште во 2012 година. Планирањето создава финансии, непланирањето создава проблем! – категорична е Смилевска.

Валентина Старделова од секторот енергија при Министерството за економија посочи дека праведната транзиција бара човечки кадар силно посветен на оваа проблематика.

-Кога зборуваме за праведна транзиција треба да имаме комплексен приод. Не треба да мислиме само на Битола и Кичево, туку да ја опфатиме целата држава. Не за џабе светот зборува за циркуларна економија. Треба да бидеме посветени систематски. Мораме да тргнеме од регулатива, да имаме правна основа за акција.

Во моментов работиме на нов закон за биогорива. Енергетската ефикаснот создава неограничени можности. Тоа е добра можност за да се промовира секторот на услуги. Јавните инситуции треба да го поддржат процесот на транзиција – вели Старделова.

Лилјана Јоноски од Рурална коалиција, појасни дека иако повеќе од 10 години е дел од граѓанскиот сектор во Кичево, не добила можност јавно да изрази свој став или да биде консултирана.

- Овој објект е клучен и кон него народот пристапува и со многу емоции. Тешко е да се прифаќаат промените. Граѓаните мора да бидат повеќе вклучени во целиот процес на транзиција – смета Јоноски.

Националната конференција за клима ја организираат „Еко-свест“, CNVP и Движењето на еколозите на Македонија, со поддршка на Европската Унија.

На 88 годишна возраст почина еден од основачите на Рефромските сили на Македонија, Либерална партија односно денешната Либерално-демократската партија, еден од најистакнатите битолчани, општественик и банкар, Јаким Ивановски.

Битола ќе добие над 11 милиони дернари како надоместок за штетите што ги трпи од производството на енергија од фосилни горива. Горан Милевски прв човек на Министерството за локална самоуправа соопшти дека на предлог на оваа инстутуција, Владата донесе одлука, Министерството за животна средина да распредели 38 744 498 денари по основ на надоместок за производство на енергија од фосилни горива, како наменски дотации на десет општини. Меѓу низ Битола ќе добие најмногу средства од државата каса и тоа над 11 милиони денари или 30 проценти од вкупниот износ.

Еве го распоредот на средствата:                                                                                                                                                                                                                                                                                                                            

Новаци 5.154.590

Битола 11.272.125

Могила 2.454.567

Кичево 786.170

Неготино 26.000

Гази Баба 5.067.578

Аеродром 1.543.135

Кисела Вода 781.093

Центар 2.857.657

Чаир 8.801.583

Имаше застој во исплатата на средствата, но по предлог на Министерството за локална самоуправа, Владата донесе одлука средствата да бидат распределени низ општините.

„Министерството правеше детални анализи ангажирајќи експерти за проверка на методологијата. Анализите укажаа дека ваквото одредување на распределба на средства е најправично и донесе одлука за продолжување на примената на методологијата“, рече Милевски.

Средствата се наменети исклучиво за еколошки проекти.