АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Мај 23, 2025
Анета Блажевска
Честитка на Петровска до верниците со католичка вероисповед
Април 04, 2021„Со желби за добро здравје, благосостојба во домовите, мир во душата и срцето, Ви посакувам радосно да го дочекате денешниот голем празник Велигден во кругот на Вашите најблиски. Без разлика што веќе втора година овој голем празник не можеме да го дочекаме со целата негова светлост поради пандемијата со КОВИД-19, сепак, да останеме доследни на традицијата, љубовта, верата и чистата мисла.
Ви го честитам Велигден – празникот на Христовото Воскреснување“, истакна градоначалничката на Општина Битола Наташа Петровска, во честитката до верниците кои денес го прославуваат Велигден.
EСМ самоиницијативно ќе си пресметува цена на јаглерод, но нема да биде вклучена во продажната цена
Април 04, 2021Продолжува драматичниот раст на заболени во Битола, денеска 101 позитивен на КОВИД-19
Април 03, 2021Денеска во Битола има 101 новозаболен од КОВИД-19, а се приближуваме до 1000 активни случаи. Во Битолската болница се хоспитализирани 112 пациенти. Починале 2 лица ид компликации на коронавирусот.
Рекордни 113 новозаболени во Битола денес, 3 починати
Април 02, 2021Во последните 24 часа се направени 4.174 тестирања, а регистрирани се 1.320 нови случаи на КОВИД-19 во:
Потпишан меморандум за автопат Битола-Прилеп, оваа година ќе почне со градба, рече Бочварски
Април 02, 2021Пред два дена потпишавме меморандум за изградба на автопат Битола-Прилеп. Очекуваме оваа година да се почне со градба, а дотогаш да бидат завршени сите технички детали, изјави министерот за транспорт и врски Благој Бочварски при посетата на Битола.
Проектот за патот ќе се најде и пред пратениците.
-Првиот чекор до изградбата на автопатот е меморандумот за соработка што го потпишавме пред два дена, следниот чекор претставува навлегување во техничките детали поврзани со договорот кој во иднина би се случил. Со нашите експерти транспарентно ќе ја разгледаме целата постапка и на крај ќе одиме во Собрание за одобрување на тој Договор. Во минатото во државата пробавме на многу начини да градиме патишта, најчесто низ редовната постапка но често се мачиме, ги губиме проектите, а парите остануваат нереализирани и затоа сега сакаме да се обидеме на еден нов начин, низ нов принцип, прв пат да покажеме дека можеме брзо и ефикасно и јасно да покажеме дека ќе градиме инфраструктура за граѓаните како национален интерес број еден за државата. Очекуваме оваа година да се почне со градба, а дотогаш да бидат завршени сите технички детали. Очекувам од јавноста но и опозицијата да разговараме и да донесеме вистинска одлука, посочи Бочварски.
Според Бочварски новиот модел нуди побрзо и поефикасно спроведување на проектите.
- Овој модел не е непознат во други држави, се работи за брз и поефикасен модел. Ние време за чекање немаме. Паневропските коридори се градат и ако ние не изградиме модерна инфраструктура, тогаш ќе бидеме заобиколени преку другите земји, затоа како Влада влеговме во една ваква постапка, ќе бидеме транспарентни а пред пратеници јасно и гласно ќе објавиме што е тоа доброто за граѓаните, рече Бочварски.
„Инвестициите во енергетската мрежа се од голема важност за целиот електроенергетски систем и имаат директно влијае на пристапот и стабилноста во снабдувањето со електрична енергија за домаќинствата од овој регион, за малите претпријатија како и за големите индустриски капацитети“, рече премиерот Зоран Заев по повод денешното пуштање во употреба новиот 400/110 киловолтен трансформатор во Трансформаторска станица „Битола 2”, инвестиција на АД МЕПСО која e во висина од 2,4 милиони евра.
Премиерот Заев подвлече дека задоволството е уште поголемо што континуирано се инвестира во енергетскиот сектор во земјава.
„Изминатиот период присуствувам на завршени или на отпочнување на нови проекти во областа на енергетиката кои значат помош за економијата, за инвестициите за побрз развој и за подобар стандард. Оваа недела ги потпишавме и договорите за инвестиции во Александруполи со што ја осигуруваме енергетската иднина. Од оваа трафостаница тргнува интерконективниот далекувод кој ја поврзува земјава со Грција, а токму тука, со проширување на последното поле во трафостаницата се подготвува теренот за изградба на интерконекцијата со Албанија, преку далекуводот Битола-Елбасан“, изјави Заев на денешниот настан на кој заедно со Благој Бочварски, министер за транспорт и врски и Куштрим Рамадани, генерален директор на АД МЕПСО ги истакнаа придобивките од инвестицијата која има круцијално значење за целиот електроенергетски систем.
Министерот Бочварски рече дека инвестициите во електро преносниот систем што ги реализираме се само доказ на нашите стратешки одлуки во зајакнување на електро-енергетскиот сектор во Република Северна Македонија.
„Овие инвестиции и тоа како се значајни за севкупниот стопански развој на државата. Нашата држава има клучна улога во регионалното енергетско поврзување и оттука оваа инвестиција е од огромно значење не само за Битола и Пелагонискиот Регион, туку и за нас како држава и за цел енергетски сектор. Оттука испраќаме јасна порака до сите сегашни и идни инвеститори. Со модернизацијата на оваа Трафостаница, сега нудиме стабилно и редовно снабдување со електрична енергија, a тоа е одговор на нивните потреби", изјави Бочварски и додаде дека вкупните инвестиции на АД МЕПСО надминуваат 100 милиони евра во сите сегменти од реконструкција и модернизација на трафостаниците до изградба на нови далекуводи.
Директорот на АД МЕПСО, Рамадани истакна дека новиот 400/110 киловолтен трансформатор се поставува на местото на стариот кој беше во функција од далечната 1982 година.
„Постапката за набавка на новиот трансформатор започна во 2019. Трансформаторот пристигна во февруари, стручните екипи на производителот го монтираа и тој досега беше во пробна работа. Овој 235 тонски електроенергетски елемент е произведен од Колектор-ЕТРА од Словенија. Инвестицијата изнесува 2,4 милиони евра, сопствени средства на АД МЕПСО. Со овој трансформатор ќе се зголеми доверливоста на ТС „Битола 2” и ќе се подобрат напонските прилики за домаќинствата и бизнис секторот во регионот“, рече Рамадани.
Владата и Министерството за транспорт и врски и во следниот период активно ќе учествува и ќе го поддржуваат МЕПСО во сите стратешки и оперативни активности во насока на реализација на предизвикот, а тоа е транзицијата на преносните мрежи во паметни мрежи односно популарната дигитализација, со што ќе се зголеми ефикасноста на преносните системи.
Најчитани
