Жителите на улицата Прилепска вода треба да добијата за околу три часа, откако ќе биде саниран големиот дефект на потегот од кружниот тек до градинката Пролет. Екипите на ЈП Водовод и натаму се на терен и непрекинатот работата на отстранување на овој дефект на цевка на главната водоводна мрежа. Од ЈП Водовод со цистерна обезбедуваат вода за пиење, додека не се санира проблемот.

-Сакам да се извинам на граѓаните од овој дел на градот кои се без вода, токму на овој ден, на празникот Духовден. Овие дефекти се многу ретки, се специфични и тешко се отркиваат.во овој дел на градот, цевките се поставени на поголема длабочина, односно на околу 3 метри под земја. кога почна да истекува водата во моментот кога се случи дефеткторт, околу 50 литри во секунда, што е огромна количина на вода, ние тоа го видовме преку СКАДА системот, резервоарите се празнеа енормно брзо, почнавме да трагаме по дефектот. Но, специфичноста е во тоа што водата не излегуваше на површина, туку се слеваше во канализациониот системот. Работниците почнаа да трагаат од четвортокот во 7 часот утрото, а дефектото се случи во 4 часот утрото. Направивме околу 30 прекопи на повеќе локации. Две екипи работеа без прекин до саботата во 4 часот сабајле, а од утрово во 7 часот се други две екипи. Се откри локацијата на дефектото и сега се работи на негова санација,. Ќе биде саниран за 3 часа и граѓаните ќе добијат вода", изјави директорот на ЈП Водовод, Горан Козаров. 

Тој реагираше  за неосанованите обвинувања, со што вели се навредуваат вработените кои без прекин останаа на терен.

-Ги демантирам шпекулациите што се среќаваат во јавноста дека ЈП Водовод не работи како што треба, затоа што професионланоста е на највисоко ниво. Ја донесеовме и нашта цистерна за вода, граѓаните во овој цел период се снабдени со вода за пиење. би сакал да кажам дека со обвинувањата се навредуваат вработените и нивната професионаност, а тоа не е во ред, додаде Козаров. 

Екипите на ЈКП "Водовод" Битола веќе 18 часа работат на изнаоѓање на дефектот на главната водоводна мрежа F150, на потегот од кружниот тек на влезот кон градот до детската градинка Пролет.

Додека Битола е зафатена повторно од голем иселенички бран, Интимен театар поготви премиера која раскажува за желбата на група млади луѓе да останат во родниот град. Претставата „Леонс и Лена“ работена по пиесата на Бихнер содржи и документарни материјали извлечени од приватниот живот на актерите Никола Стефанов, Валентин Дамчевски, Анастазија Христовска и Антонио Китановски, а сетоа тоа во режија на Софија Ристевска- Петрушева.

„Одиме контра тој огромен бран што во моментот постои на заминување, на емигрирање, фаворизиорање на Европа и другите држави од западниот свет. Претстасвата зборува за желбата на луѓето да останат во нашиот град, обратно од сите што се иселуваат. Нашиот град е напуштан масовно и не само тој, туку од цела држава луѓето заминуваат, по коронавирусот уште поголем е тој бран на заминување. Ние сакаме да кажеме дека останувањето е исто толку важно и животот на луѓето може да биде активен и квалитетен и во нашата средина. Можноста да сте свои во својот свет и да не си емигрант е многу важно во овој момент. Да се издига оваа идеа на пиадестал, а не само идејата за заминување и напуштање да биде доминатна“, рече Ристевска -Петрушева.

Ова е прв проект на „Интимен театар“ кој е финансиски потмогнат од Министерството за култура во последните четири години.

„Важно е што во овој проект ангажиравме млади луѓе кои не се вработени, се на слободна пракса зашто пандемијата ги постави на маргините бидејќи целиот пазар се затвори. Целиот буџет што го добивме успеавме да го влееме во независната сцена која постои во нашиот град“, рече режисерката.

Актерот Валентин Дамчевски изјави дека Интимен театар е местото што ги отвора вратите на младите артисти и му дозволува да ги третираат проблемите од нивните гледишта, да зборуваат и за нив.

„Важно е што Министерството го одобри овој проект и го финансираше зашто во еден момент нашиот театар се почувства дека оди во некаков колапс и многу важно е што ги добивме овие пари зашто младите луѓе кои живеат тука треба да бидат задржани“, рече Дамчевски.

Со по 20 гледачи во публика, со запазување на сите протоколи, претставата ќе биде одиграна пет пати на 20, 23,25,27 и 30 јуни во Интимен театар со почеток од 20 часот.

Со цел на едно место граѓаните да добијат повеќе услуги од дражавните институции, во Битола денес е отворен центар за јавни услуги „Една точка за услуги”, проект на Министерството за информатичко општество и администрација. На овој начин треба да се поедностави пристапот на граѓаните до вкупно 64  услуги на Министерствата  за внатрешни работи и  за транспорт и врски, Управата за јавни приходи, Агенцијата за катастар на недвижности, Агенцијата за вработување, Министерството за труд и социјална политика, Централниот регистар, Фондот за здравствено осигурување, Управата за водење матични книги, Фондот за пензиско и инвалидско осигурување.