Влезовите, односно излезите од  Битола, критичните сообраќајни точки и локации кои во изминатиот период се покажале како критични места за кражби да бидат покриени со видео надзор. За ова при денешната посета на Битола разговараа министерот за внатрешни работи Оливер Спасовски и градоначалничката на Општина Битола, Наташа Петровска. Проектот „Безбеден град“ во наредниот период треба да го реалзира локалната самоуправа во соработка со битолската полиција.

 По извршените подготовки во изминатите денови, започна асфалтирањето на потегот од кружниот тек кај Лук Оил на излезот од Битола кон Ресен, до влезот во селото Братиндол, во должина од 3 километри. Директорот на Македонија пат подружница Битола Беким Мемети истакна дека оваа активност во вредност од 15 милиони денари, го надминува проблемот со пропаднатиот асфалт на самиот кружен тек, кој со години наназад ја загрозуваше безбедноста на возачите, а истовремено оставаше лоша слика за самиот влез во градот од страната кон Ресен, соопштија од Општина Битола. 

Македонски енергетски ресурси (МЕР) спроведува подготвителни активности на регионалниот пат Битола - Новаци, при што во тек е бушење за идното поставување цевки на магистралниот гасовод, кој треба да се стави во функција до крајот на 2020 година, велат за Апла.мк од Општина Битола.  

-Во тек е изработка на проектна документација за 33 инфраструктурни проекти.