На 09.06.2029 во 21.40 часот на патот Битола - Ресен, полициски службеници од Отсекот за недозволена трговија со дрога и оружје од Одделението за криминалистичка полиција при СВР Битола и од Полициско одделение за БПС од ОВР Ресен ги лишиле од слобода С.Ф.(39) од Скопје, со живеалиште во Ресен и Ш.А.(54) од Ресен. При преглед во патничко возило „опел“, управувано од С.Ф., а сопатничка била Ш.А. бил пронајден и одземен хероин. Тие биле приведени во полициска станица и по целосно документирање на случајот против нив ќе биде поднесена соодветна пријава.

И изминатите денови полицијата фати дилер на наркотични средства од Битола, во чиј дом при претрес беше откриен кокаин, а уапсен беше и 21- годишен битолчанец кај кој беше пронајден хероин. 

По Повод 7 мај, Денот на полицијата претставници на СВР Битола ги посетија дечињата од детските градинки „Мајски цвет“ и „Коца Василева“ во Битола. Средбата се одржа на отворено во дворот на градинките со почитување на сите мерки за заштита од ковид-19. Дечињата имаа можност да слушнат за предизвикот што значи да се биде полицаец, како и да се запознаат со полициските возила мотор и полициско комбе. Дечињата пак подготвија изложба со цртежи посеветенини работата на полицијата.

Скоро и да нема ден без пријава за физички напад во СВР Битола. Во полициските билтени дневно се случува да има и по неколку пријави. Таков беше вчерашниот ден кога беа пријавени четири такви настани.

61-годишната битолчанка М.П.вчера пријавила во СВР Битола дека пред два дена во 2,30 часот по полноќ била физички нападната во нејзиниот дом. Лицето кое ја нападнало одзело акумулатор од нејзиниот дом, по што побегнало во непознат правец. Полицијата презема мерки за расчистување на случајот.