Христијан Мицкоски: Битола е мој личен приоритет, очекуваме победа на локалните избори

Мај 14, 2021

Во ВМРО-ДПМНЕ во тек е анкета на десетина имиња од кои ќе се избере кандидат за градоначалник, рече денеска во Битола, претседателот на ВМРО-ДПМНЕ, Христијан Мицкоски, кој имаше средби со битолските стопанственици и граѓани. Тој не спомена кои имиња се дел од овие анкети, но рече дека се анкетираат не само партиски, туку и непартиски личности, но луѓе со десничарски погледи.

-Во моментот траат анкетирањето на повеќе од 10 имиња кои што се опфатени со тие анкети. Првиот круг е завршен, можеби ќе има втор и трет, така што очекувам дека решението за кандидат за градоначалник кој што ќе биде поддржан од ВМРО-ДПМНЕ или коалицијата што ќе ја предводи ВМРО-ДПМНЕ на следните локални изибори ќе биде идниот  градоначалник или идната градоначалничка на Битола. Партијата врши истражувања и анкетирањеа во кои се опфатени повеќе од 10 имиња, меѓу нив има и партиски и непартиски луѓе, блиски до десницата.  Анкетираме и партикси и непартиски кандидати  чии погледи, светоглед и  политики се блиски до конзервативизмот, центар десната опција каде е  и ВМРО-ДПМНЕ. Ние нормално нема да анкетираме  кандидати  кои што се со левичарски и либерални погледи, бидејќи ќе имаме проблеми во спроведувањето на политиките, рече Мицкоски

Тој рече дека доколку партијата во минатото направила грешки за битолчани, ќе се извини, затоа што Битола е негов личен приоритет и најави револуција во сите сфери на општественото живеење. Задоволен е од локалниот лидер на ВМРО-ДПМНЕ во Битола, Пеце Милевски и рече дека имаат добра соработка.

-Имаме одличан соработка со Пеце Милевски, онаму каде можеме да се подобриме ќе се подобриме во периодот што следи. Онаму каде што треба да признаеме дека во минатото можеби сме направиле некакви грешки   кон битолчани, го охрабрувам Пеце  и  ако таа грешка е објективна, и јас лично  се извинувам. 

Онаму каде што имало добри политики, тие треаба да ги надградиме и прошириме и на тој начин повторно да ја добиеме довербата на битолчани, затоа што овие состојби која денеска ја слушнав од стопанската комора и од битолчани, навистина е катастрофална. На Битола и треба револуција, револуција во економија, образование, култура, Битола го заслужува тоа, Битола е личен мој приоритет, ова јавно сум го кажал неколку пати, иако сум роден скопјанец, Битола е мој личен приоритет, рече Христијан Мицкоски, претседател на ВМРО-ДПМНЕ.

Тој рече дека на средбата, стопанствениците му се пожалиле на исклучително тешка состојба во која се наоѓаат нивните бизниси.

-Состанок со Регионалната стопанска комора, разговаравме со стопанствениците како тие ја гледаат реааноста, луѓето кажаа дека тешко се работи, од ветената помош нема никаков ефект, макак мачат да обезбедат плата за вработените, да ги задржата и да го задржат својот бизнис..Ги презентираат своите гледишта како треба да се развива Битола. Имавме плоден состанок, учиме од бизнис заедницата, учиме од граѓаните, сакаме да излеземе со квалитетна програма пред граѓаните. ВМРО-ДПМНЕ е државотворна партија, таква била во во изминатите 30 години, и така ќе продолжиме да се однесуваме. Очекуваме победа овдека во Битола и работиме на окрупнување на опозицискиот блок, додаде Мицкоски

Сподели

Login to your account

Username *
Password *
Remember Me
© 2020 АПЛА.мк. Сите права се задржани