Лидерот на ВМРО-ДПМНЕ, Христијан Мицкоски, вечер во 20 часот во Општинскиот комитет на партијата во Битола, ќе оствари средба со членството и други симпатизери од градот и околината. Неговата посета на Битола му претходи на антивладиниот протест закажан за втори јуни пред Влада на Република Македонија.

Лидерот на ВМРО-ДПМНЕ и поранешен директор на ЕЛЕМ, Христијан Мицкоски, за обвинувањата на првиот човек на Електрани на Македонија, Драган Миновски, се огласи преку својот ФБ профил. Тој напиша дека денешната прес конференција на  Миновски има цел да го одвлече вниманието од скандалите со коруптивните бизниси кои се склучуваат во 4 очи во оваа компанија. 

Лидерот на ВМРО-ДПМНЕ, Христијан Мицкоски, поранешен директор на АД ЕЛЕМ во четири очи склучил два договори со непосредна спогодба со компаниите Пелистер и Марковски, двата во вредност од 10,5 милиони евра. Со Пелистер, веднаш по неговото назначување на функцијата, на 3 ноември 2016г, за сума од 5,7 милиони евра, а три месеци подоцна и со Марковски – за 4,8 милиони евра, обвини директорот на АД ЕЛЕМ, Драган Миновски.

Генералниот секретар на партијата Христијан Мицкоски и пратеникот Илија Димовски, најверојатно ќе бидат двата кандидати кои влегуваат во најтесниот круг од партиската битка за наследник на досегашниот претседател на ВМРО-ДПМНЕ, Никола Груевски.