„Имаме огромен број дечиња на листа на чекање. Решение ни е отворање надградби на постојните градинки и градба на нови градинки. Се надевем дека Општината и Владата ќе ни излезат во пресрет и ќе можеме да го реализираме ветувањето. Потребни ни се кадари од сите профили воспитувачи, негователки, хигиеничарки, садомијалки... Потребен ни е персонал во итни и неодложни дејности. Се надевам дека во најбрз може рок, луѓето ќе почнат со работа зашто согласностите се веќе добиени“, рече директорката.

Градоначалничката на Битола, Наташа Петровска, изјави дека Општината е во напредна фаза со обезбедување на средства и други логистички поддршки околу проширување на просторните капацитети во градинките.

„Градинките имаат добиено согласност за обезбедување на негователки. Тоа не ги задоволува потребите кои се воочени. Но, во соработка и дослух со Министерството за труд и социјална политика се најавува повторно зголемување на бројот на негователки што е неопходно за згрижување на дечињата. Во однос на капацитетите на градинките веќе се обезбедени средства за оплеменување на просторот на градинката во Кравари, а во напредна фаза сме и со други три апликации за кои се надевам дека ќе имаме дослух од Министерството за труд и социјална политика“, рече Петровска.