Општина Битола да се откаже од прославата на Нова Година на плоштадот Магнолија и средствата да бидат наменети за набавка на еколошки билборди, побара денеска , Борче Димитровски , советник  од опозицијата во Советот на Општина Битола, обелоденувајќи досега за јавноста непозната информација , дека изминатите години бившата локална власта од ВМРО-ДПМНЕ, трошела околу 50 илјади евра само за дочек на Нова Година.

600 000 евра општински пари потроши претходната локлна власт предводена од екс градоначалникот Владимир Талески за изградба на киното „Манаки“ на Широк Сокак, а до крај не го заврши проектот, па киното сѐ уште не е ставено во функција.

Да се направи ребаланс на буџетот побара од Советот градоначалничката на Битола, Наташа Петровска. Веднаш по превземањето на функцијата Петровска, со своја екипа, почна да прави анализа на финансиската состојба на општината, на она што наследила во општинската каса и колкави се долговите.

Валентин Груевски, новиот претседател на Советот на Општина Битола  му одржа „лекција“ на координаторот на советничката група на ВМРО-ДПМНЕ , Борче Димитровски, инаку  адвокат по професија, што значи да се има процедурална забелешка на  водењето на седницата на Совет, а што значи политички говор и злоупотреба на говорницата .

На денешната конститутивна седница, Валентин Груевски од ЛДП, беше избран за претседател на Советот на општина Битола. За негоа гласаа 17 советници од СДСМ и коалицијата, двајца независни советници од граѓанската иницијатива „Поинаку“ и 1 советник од коалицијата на ДУИ. Сите 11 советници од ВМРО-ДПМНЕ гласаа против.