АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Оваа работна недела почнува постапката за избор на претседател на Општинската организација на СДСМ Битола, потврдува за АПЛА, генералниот секретар на СДСМ, Александар Саша Димитријевиќ.
В среда е закажана седница на Централниот одбор на СДСМ во Скопје на која се очекува да отпочне постапката за назначување на локални лидери во неколку општински организации во државата вклучително и во Битола каде доскорешните претседатели си дадоа оставки. Во Битола во изминатиот период локалната отганизација на СДСМ ја води работна група, по оставката на Методија Куновски.
Димитријевиќ напоменува дека членовите на СДСМ ќе имат можност за самокандидарање и по еден процес на пошироки консултации ќе се избере и нов локален лидер.
„В среда на седница на Централниот одбор на СДСМ ќе биде разговарано за распишување повик за претседател на ОО СДСМ Битола и уште неколку други општински организации. Согласно постапката, ќе се одвива процес на самокандидирање, потоа процес на интервјуа на кандидатите и консултации со членство и на крај ќе се изврши изборот“, изјави за АПЛА, генералниот секретар на СДСМ Александар Саша Димитријевиќ.
Минатата среда генералниот секретар Димитријевиќ присуствуваше во Битола на средба со членството за консолидација на општинската организација и за највување на процесите за избор на раководство на локалната организацијан во Битола. По средбата во Битола Димитријевиќ објави дека неговите партиските другари и другарки јасно порачале дека народот не може повеќе да издржи поради растот на цените и нискиот стандард.
Инаку неофицијално се споменуваат неколку имиња на заинтересирани за водење на општинската организација, меѓу нив се Зоран Стојчевски, Софија Ристевска Петрушевска, Јане Велкоски, Анета Сердарова и Борче Корлевски. Аспирации да раководат со општинската имале и поранешни директори на локални и државни институции.
А.Блажевска
