85-годишниот битолчанец, кој беше штитеник на Домот за стари лица од Битола, по два добиени негативни резултати од анализата на брисевите, вчера беше пуштен од болничко лекување, потврди за Апла.мк директорката на Домот за стари лица Јулијана Котевска. 

По повод Светскиот ден на книгата, Апла.мк ја запраша градоначалничката на Битола м-р Наташа Петровска која книга од прочитаните ѝ оставила најголем впечаток. Нејзиниот одговор е „Дервишот и смртта’’ од Меша Слимовиќ.

Македонските граѓани од денeска треба да носат заштитни маски за да го спречат ширењето на коронавирусот, а се скратува и пшолицискиот час. Според Уредбата донесена од Владата, заштитна опрема на лицето мора да се носи на сите затворени јавни места каде има повеќе луѓе, како што се пазари, продавници, банки, пошти, државни и здравствени установи, јавен превоз. На отворен простор, маските мора да се носат на пазари и места каде не постои можност за одржување на физичко растојание од два метра.

Тројца болни од КОВИД-19  во Битола се излекувале од болеста. Министерот за здравство Венко Филипче на денешната прес конференција рече дека излекувани се двајца пациенти од болничко лекување и едно лице од домашно лекување. Нема прецизни податоци дали двајцата пациенти кои се лекувале на болница се битолчани или пак од друг град со оглед на тоа дека на Инфективното одделение се лекуваат и пациенти од  Струшко.