Повеќе од 31 000 гласови во општина Битола не добив за да продолжат коруптивните зделки до даска во превозот со учениците, рече градоначалничката Наташа Петровска околу актуелната состојба со школскиот превоз во Битола.

Дел од учениците од околните општини кои учат во Битола се жалат дека останале без превоз. Од Општина Битола соопштија дека бесплатниот школски превоз за учениците ќе биде од превозници кои го вршат општинскиот линиски превоз и на овој начин се обидуваат да го реши со години напластениот проблем со школскиот превоз за кој училиштата должат 770 000 евра кон превозниците. 

Ученици од средни училишта во градот кои  не можат да користат  бесплатен школски превоз денес реагирале кај одговорните во училиштата дека нема да доаѓаат на настава се додека не им се обезбеди бесплатниот превоз. Учениците биле револтирани бидејќи според нивни сознанија од денеска нема да имаат бесплатен превоз до  50 километри оддалеченост на нивните домови од училиштата. Директорите на училиштата уверуваат дека нема место за паника.

Со концерт на Македонската филхармонија во Битола започнува 27. издание на интернационалниот фестивал на класична музика „Интерфест Битола 2018“.

Старите азбестно- цементни цевки на водоводната мрежа на улицата „Климент Охридски“ во Битола  се заменуваат со нови полипропилентски цевки, по што  комплетно се менува  водоводна инстраструктура со приклучоците.

Најголема излезност на гласањето за референдум е забележана на гласачките места во месностите Градчето Пејтон, Стевче Патако,  училиштето „Кирил и Методиј“ и кај Гроздот, а од селата во Лера, покажуваат резултатите на ДИК. Најмала излезност има во селото Ново Змирнево, Драгош, Ѓавато и Габалавци.

Велика Новевска од општина Новаци на 91 година излезе да гласа. На гласачкото место 161 се појави заедно со снаата која пак со штаки дојде на гласање зашто ја имала повредено ногата.

„За години не прашувајте, девеесетката ја заминав, но должност ми е да си го оставрам своето гласачко право. Гласаме и за помладите и за нас да биде добро“, рече баба Новевска.

До 13 часот во општина Битола излегле 16,7 проценти од гласачите или вкупно 13 704 гласачи од 82 131 граѓани, соопштиja од ОИК. До сега гласањето е мирно и без инциденти. 

Во Демир Хисар излезноста до 13 часот беше 15,7 проценти. 

Во Новаци 13 проценти, а во Могила 7,04 проценти. 

На гласачките места утрово најчести беа пензионерите кои уште рано сабајче излегоа да го остварат своето гласачко право. Сепак, раздвиженоста беше слаба, па поголем број гласачи се очекуваат во текот на денот. Дел од гласачите изјавија дека очекуваат денот да мине без проблеми и граѓаните да го искажат својот став, а други пак, не сакаа да зборуваат во јавноста за очекувањата.