Денес Советот на Општина Битола ќе го донесе ценовникот на услугите на пајак службата за подигање и пренесување на непрописно паркирани возила и возила кои го попречуваат безбедното одвивање на сообраќајот. Пајак службата понатаму ќе функционира во рамки на ЈП за паркинзи.  

Подигање и пренесување на непрописно паркирано возило во депото на пајак службата ќе чини  1600 денари. 

Подигање на возило од зелена површина и пренос во депо на пајак служба 2000 денари. 

Отпочнување на подигање на непрописно паркирано возило кога сопственикот на возилото се појавува на лице место 1000 денари.

Пренесување и транспортирање на возило во град Битола 1500 денари. 

Доплата за пренесување на возило надвор од градот Битола за секој изминат километар над 5 километри ќе чини 50 ден/км.

Чување на лесно патничко возило во депо на пајак служба 200 денари на ден. 

Чување на товарно моторно возило, камион, автобус и комбе наменето за транспорт на патници во депо на пајак служба 500 денари на ден. 

Цените се со пресметан ДДВ.  .

Автентичниот паркет изработен во техника на интарзија кој е во половна состојба, а беше изваден за време на конзерваторско-реставраторските активности во Офицерскиот дом во Битола, ќе се даде на трајно користење на Завод и музеј од Битола. Ваква одлука на денешната седница треба да донесе Советот на Општина Битола. Паркетот на оваа институција која е задолжена за заштита на клултурното богатство во Битола , ќе му се даде за да го постави во изложбен простор. Според договорот што ќе биде постигнат со Општината, доколку Завод и музеј не ја исполни обврската, ќе биде задолжен да го врати паркетот назад или да ја надомести вредноста. 

ФОРУМ 16 16 до 18 октомви, по трет пат, ја организираШЕ волонтерската активност во заедницата, а како една од активнстите во рамки на Кампањата против гласини „Гласно сокаче - Будно чимаче“.

Оваа волонтерска активност има за цел да ги промени гласините дека „младите во Битола само пијат кафе на Широк Сокак и ништо не работат“, па според тоа често се окарактеризирани како „мрзливи“ и „незаинтересирани за заедницата“. Ова се постигнува:

- низ заедничка работна акција на младите и постарите луѓе за подобруваање на запоставени или игнорирани локации во заедницата;

- низ промоција на атмосфера на вклучување, толеранција и разбирање.

Годинава, локацијата на која се спроведе волонтерската активост, беше аголот на улиците „Охридска“ и „Др. Трифун Пановски“. На локацијата се црташе мурал, се испишуваа позитивни пораки, а во соработка со ЈП Комуналец се постави клупа и се засадија два садника. Свој придонес дадоа и соседите со тоа што засадија уште еден садник, а помагаа и со совети и разговор за важноста на локацијата за соседството низ минатото.

Пред оваа волонтерска активност, ФОРУМ 16 организира обука за активисти против гласини, чија улога е да ги разнишаат гласините за младите, а кои водат кон креирање на длабоко вкоренети стереотипи во општеството, како и дискриминација. На обуката се обработуваа теми за човекови права, медиумска писменост, стереотипи и предрасуди во медиумите, креирање на позитивни алтернативни наративи и слично.

Кампањата против гласини „Гласно сокаче - Будно чимаче“ во 2020 година е поддржана од страна на Совет на Европа преку Европската младинска фондација. Истата е дел од (СТ)АРТ програмата на ФОРУМ 16 која предвидува активности за промоција на човековите права на креативен начин.

Министерството за здравство информира дека во последните 24 часа се направени 771 тестирања, а регистрирани се 161 нови случаи на ковид-19 во: Скопје-90, Куманово-11, Штип-2, Прилеп-6, Тетово-5, Велес-4, Кавадарци-2, Гостивар-15, Струмица-8, Крива Паланка-1, Радовиш-1, Кочани-3, Пробиштип-2, Берово-6, Валандово-1, Делчево-2, Кичево-2.

Одделението за водење матични книги во Битола не работи.

Поради дефект на водоводна цевка, околу која има кабел за електрична енергија, непристапност до истиот, а неопхопдна е и дополнителна интервенција од друга компанија како и добра видливост, има прекин во водоснабдувањето на улиците околу паркот кај ОУ „Стив Наумов“, Цар Самоил и Пецо Божиновски.
ЈКП "Водовод" им се извинува на граѓаните од засегнатите подрачја. Екипите на ЈКП "Водовод" во раните утрински часови ќе работат на санација на дефектот и брзо нормализирање на водоснабдувањето.