АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Август 29, 2025
Анета Блажевска
НОСТАЛГИЈА ПО УЧИЛИШНОТО ЅВОНЧЕ (фб статуси на битолчани за први септември)
Септември 01, 2020Пандемијата целосно ни го промени животот. Овој први септември за првпат не заѕвони училишното ѕвонче. Прва генерација првачиња на овој први септември не седнаа во клупите....Шестоодделенците не се запознаа со новите наставници... Средношколците од прва година ни со новите другари, ни со професорите, ни со училиштето...
Поради дефект прекин во водоснабдувањето од Кравари до грчка граница, екипите на „Водовод“ работат на терен
Септември 01, 2020Се појави дефект на водоводна мрежа на потегот од Царински терминал до граничниот премин Меџитлија, соопштија од Јавното претпријатие „Водовод“. Поради ова, прекин во водоснабдувањето одреден период ќе има од село Кравари до Грчка граница. Екипите на ЈКП Водовод се на терен и работат на отстранување на дефектот и најбрзо нормализирање на водоснабдувањето, велат од Претпријатието.
На денешен ден убиен е Славко Лумбарковски
Септември 01, 2020На денешен ден, 1 СЕПТЕМВРИ 1944, кај село Јудово, Кичевско е убиен Славко ЛУМБАРКОВСКИ, припадник на македонското националноослободително и комунистичко движење и учесник во Антифашистичката војна во Вардарскиот дел на Македонија.
Во август полицијата изрекла 85 казни за моторџии, граѓаните бараат пожестоки акции и молат да се стави крај на ноќното дивеење
Август 31, 2020Објавата на апла.мк за дивеењето на млади моторџии во доцните ноќни часови предизвика лавина реакции од битолчани, кои потврдуваат дека одземен им е мирот, но и сонот, а вакви појави има во секој дел од Битола.
Општина Битола преку соопштение до медиумите ги информира граѓаните за средствата, со кои беа поддржани досегашните културни настани во текот на оваа година. Во изминатите осум месеци потрошила 3 769 000 денари за поддршка за културата во градот. Ете, подетално за кои настани:
- Концерт на Галија и Нокаут – 250 000 денари
- Три концерти на Авалон Продукција ( А.Медуњанин, Д. Рундек, Ж. Бебек) – 600 000 денари
- Концерт на камерен оркестар – 150 000 денари
- Локум фест – 120 000 денари
- Илинденски денови – 200 000 денари
- Џез фестивал – 100 000 денари
- Концерт на Петар Грашо – 500 000 денари
- Битола отворен град – 600 000 денари
- Фестивал на музика и вино – 300 000 денари
- Тра-ла-ла со камерен оркестар – 150 000 денари
- Незаборав (електронска верзија) – 156 000 денари
- Одбележување на денот на младите – 120 000 денари
- 300 работи, Триста – 28 000 денари
- ИФФК Браќа Манаки – 220 000 денари
- Мал битолски Монмартр – 150 000 денари
- Одбележување на 60 години Македонски Научно Друштво Битола – 375 000 денари
Почитувана министерке,
Најпрво да Ви честитам за функцијата и да го изразам моето задоволство за ова кадровско решение. Но, да не брзаме со прерана еуфорија, бидејќи, доколку го имате истиот елан како во претходното министерство, Ве очекува многу работа. Ќе се обидам накратко да Ви ги предочам предизвиците со кои мора да се соочите доколку (а веќе редно време е) сакаме да го реформираме образованието во функционална категорија.
НАСТАВНИ ПЛАНОВИ И ПРОГРАМИ
Првиот предизвик ќе Ви бидат ревизија на наставните планови и програми, како и ревизија и реформа на постоечките предмети во основното образование. Имено, под мотото ОБРАЗОВАНИЕТО Е СИЛА, ОБРАЗОВАНИЕТО Е МОЌ ни се случи најголемата трагедија во образованието. Се направија реформи со што учениците се преоптоварија со непотребни предмети и градива, често на сметка на најопходните (учениците во осмо одделение имаат четиринаесет предмети), а, веројатно, заради згрижување на партиската војска на претходната власт.
Но, ајде да не се занимаваме со минатото, туку да ја подобриме иднината. Ќе ви предочам само дел од ова што е потребно за да имаме функционално образование.
1.Животни вештини
Потребно е овој предмет да се ревидира во формата и низ четирите години (од шесто до деветто одделение) да содржи четири подрачја:
VI одделение-основни животни вештини и граѓанско образование. Ова значи дека предметот граѓанско образование ќе се интегрира во предметот животни вештини, но претходно е потребно да се ревидираат содржините во самиот предмет; постојат голем број содржини кои не се потребни.
VII одделение-тука главно подрачје треба да биде медиумската писменост како еден од проблемоте со кои се соочуваме во секојдневието. Имено, постои дел во предметот македонски јазик, медиумска култура, но доколку се интегрира во предметот животни вештини, имаме двојна добивка-соодветен пристап кон проблемот, како и простор на предметот мајчин јазик.
VIII одделение-финансиска писменост. Според статистиките, во оваа област сме меѓу последните места. Имено, недоволно се познава економијата, банкарскиот сектор, инвестирање, осигурување и сл. (ова ќе го оставиме на експертите).
IX одделение-претприемништво. Овој предмет постои како засебен предмет, но формата и содржината се, во најмала рака, ужасни. Разбирање на терминот претприемништво со активно вклучување во проблемот преку вежби и пракса.
2. Музичко и ликовно образование.
Со споменатите реформи се нанесе штета и удар на овие два предмети. Имено, фондот на неделни часови се намали од два на еден со што овие премети се ставија во подредена положба, а да не зборувам и за континуитетот на изучување-еден час неделно нема континуитет.
3. Изборни предмети
Најитно ревизија на предметите и содржините-многу од нив се непотребни.
Но, да не должам, за писаниево да биде ефикасно, ќе спомнам уште: укинување на задолжителното средно образование, приемни испити на факултетите под контрола на ДИЦ, техничка и инфраструктурна опременост на училиштата и многу други проблеми кои ќе треба да ги решиме.
И накрај да Ве потсетам-само тимската работа ќе вроди со плод.
Димитар Пипилевски
Наставник по германски јазик
(Видео)Битолчани бараат спас од моторџии кои дивеат во попладневните и ноќните часови
Август 30, 2020Битолчани, посебно во летните месеци, немаат мир од несовесни млади моторџии кои дивеат по улиците низ градот. На главните сообраќајници има ноќни трки па се создава неподнослива бука од која е невозможно да се спие. Граѓаните се жалат и на социјалните мрежи, па споделуваат искуства од различни локации низ Битола. Реагираат жителите кои живеат и во центарот на градот, каде неподнослива е буката што одекнува низ тесните улички со збиени куќи
Заев: Северна Македонија доби нова, мала, ефикасна Влада подготвена да сработи посветено
Август 30, 2020Претседателот на Владата на Република Северна Македонија, Зоран Заев, вечерва, по седницата за избор на новата Влада во Собранието на Република Северна Македонија даде изјава за медиумите во кои ги наведе вредностите и принципите од кои ќе се води новата Влада во следниот четиригодишен мандат.
„Северна Македонија доби нова, мала, ефикасна и одговорна Влада, подготвена да работи и да сработи посветено, исклучиво согласно интересот на граѓаните и државата. Им благодарам на пратениците од демократското мнозинство кои ја препознаа важноста и потребата од нова одговорна Влада и кои ни ја дадоа довербата да ги водиме институциите. Во следните четири години со сите ресурси ќе дејствуваме за да ја оправдаме довербата на пратениците, односно на граѓаните кои го доделија мандатот на пратениците.
Најчитани
