Пишува Жаклина Цветковска

Рецензираме текст со наслов „Моќна фотографија на даскалите Христијан Мицкоски и Гоце Делчев “. Oбјавената фотографија на лидерот на опозицијата, веднаш до споменикот на Гоце Делчев e направена за време на  митингот на ВМРО-ДПМНЕ во Струмица.

Пишува Жаклина Цветковска

Рецензираме текст со наслов „Јовески даде ветување дека ќе го доврши делот на Катица Јанева!“, објавен на порталот magazin.mk, на 30.06.2020 година, во кој се пренесува дел од интервјуто на републичкот јавен обвинител Љубомир Јовески, дадено за државната информативна агенција МИА, по повод стапувањето на сила на новиот закон за Јавно обвинителство и преземањето на преметите на СЈО од страна на Јавното обвинителство.

Oд Центарот за јавно здравје Битола не информираа дека во еден од фамилијарните кластери заболени од ковид-19 две деца се средношколци. Едното дете нема пријавено ниту еден контакт, а другото пријави четири, и тоа студенти и сите се ставени под здравствен надзор.

Од вчерашните три случаи, двајца се поврзани со веќе познат фамилијарен кластер.

Активни случаи има 10 лица од последните четири кластери, соопштија од Министерството за здравство за Апла.мк

Двете млади лица беа евидентирани во здравствените билтени од претходните денови, денес немаше новозаболени. Вкупниот број на битолчани кај кои болеста е во тек се 20, а од почетокот на пандемијата до денес се разболеле 54, кај двајца болеста заврши со смртен исход.

Град наврна како снег во Битола. Од врнежите побелеа тревните површини во градот. Дел од улиците се преполанаа со вода зашто атмосферската канализација не можеше да го прифати обилниот прилив на вода од наврнатиот дожд.  Силно невреме проследено со обилни врнежи од дожд и град попладнево го зафати Битолскиот Регион.

Со почитување на протоколите за заштита од ковид-19 денес во црквата „Света Троица“ позната меѓу народот како Руска црква во Битола беше одбележан празникот посветен на светителот Јован Шангајски. Уште на влезот од црквата имаше прикачено известување дека задолжително е носење маски и држење растојание,а во внатрешноста имаше средства за дезинфекција. Кревањето на лепче се одвиваше на отворено во дворот на црквата, а домаќинките и годинава ја покажаа својата умешност во украсувањето на погачите и пченицата. На една од пчениците беше исцртан и ликот на светецот. За годинешната слава беа избрани пет кумови.

Во чест на Јован Шангајски и вчера имаше вечерна, а денес утринска служба во Руската црква. Во храмот изложена е одеждата на светитетот Јован Шангајски кој пред деведесетина години бил професор на битолската Богословија.

За светителот Јован Шангајски се знае дека во 1928 година со синодска одлука бил испратен да предава во Битола, каде бил запаметен како голем верник. За него и тогашниот охридско- битолски екископ Николај Жички рекол: „Ако сакате да видите светител, одете во Битола кај отец Јован“. Уште во Битола бил познат како голем испосник и молитвеник. Секојдневно служел литургија и никогаш не спиел лежејќи во постела. Никој не го имал видено да се разлити, туку помагал на другите.

Го нарекуваат Шангајски, зашто по заминувањето од Битола во 1933 година бил хиротонисан за епископ, а наредната година востоличен за митрополит на Шангајската епархија. Се раскажува дека со иконата на Свети Наум Охридски одел по болниците и им читал молитви на болните Кинези и многумина исцелил.

Потоа околу една деценија од 1951 до 1961 година служел во Западно – европската епархија, па заминал во Сан Франциско, САД, каде изнемоштен од мисионерско – пастирската дејност, се упокоил на втори јули 1966 година откако отслужил литургија во градот Сиетл.

Моштите на светецот се наоѓаат во Сан Франциско, а делче е донесено и во манастирот „Св. Јован Бигорски“.