Основното јавно обвинителство Битола до Основниот суд Битола поднесе  предлози за издавање на казнени налози за вкупно 11 лица, сите поради сторено кривично дело – Непостапување според здравствените прописи за време на епидемија од член 206 став 1 од Кривичниот законик.

Се изведува реконструкција на ул. „Бранко Радиќевиќ“, а во текот на денот градоначалничката на Општина Битола м-р Наташа Петровска изврши увид во инфраструктурните активности. Реконструкцијата се одвива во три фази. КЈП „Нискоградба“ работи на поставување на нова мешовита канализациона мрежа, a екипите на ЈКП „Водовод“ ја менуваат главната водоводна цевка и поставуваат соодветни приклучоци. Последната фаза од комплетната реконструкција на ул. „Бранко Радичевиќ“ опфаќа асфалтирање и партерно уредување на улицата.

Во фабриката за автомобиски кабли „ Кромберг и Шуберт“ кој е најголем приватен работодавач во Битолско oд денес со работа делумно започна и втората смена. Со ова на работа се вратени 2000 вработени.

Во време кога сите матурски прослави се откажани заради пандемијата предизвикана од коронавирусот, Матурантите од СОУ „Јосип Броз - Тито“ од Битола, ја покажаа својата креативност преку едно интересно видео, кое ќе ја одбележи нивната матура.

Менде Граматковски е избран за заменик шеф на Регионалниот изборен штаб во петката. По назначувањето на Васко Ковачевски за шеф на Регионалниот изборен штаб за ИЕ 5 за негов заменик СДСМ се одлучи довербата да му ја даде на Граматковски. Досега Граматковски извршувал повеќе партиски функции а последните години во повеќе мандати беше член на Извршниот одбор, највисокото тело на ОО на СДСМ Битола. Со ова Изборната Единица 5, Е Во Рацете На Двајца Партиски Истакнати Битолчани. Граматковски е директор на најголемиот хидросистем во државата „Стрежево“.

На денешен ден во 1980 година во Љубљана почина Јосип Броз Тито, претседател на поранешната Социјалистичка Федеративна Република Југославија. Тој ја предводеше борбата против окупаторот од 1941 до 1945 година, беше долгогодишен лидер на Комунистичката партија на Југославија и командант на нејзините вооружени сили од крајот на Втората светска војна, па сè до неговата смрт. На погребот на Тито присуствуваа 700.000 луѓе, меѓу кои 209 државни и партиски делегации од 180 земји од светот, кои се поклонија пред неговиот гроб.

Пазари ја заврши постапката за продажба на сопствената електрична енергија. Според договорот во следната година Пазари ќе плаќа 75-80 % помала сметка за струја. Вкупната инвестиција за фотоволтаиците ќе биди исплатена во рок од три години. Пазари го реализира планот за 100% ,,Зелена" или Енергетски Ефикасна Фирма.

Времето денес ќе биде променливо облачно и ветровито, со појава на краткотраен дожд.