Стравот од корона не ги повлече сите девојки кои нудат интимни моменти на патот од Битола кон Кравари. Бројот е изретчен, но сепак има по некоја која одлучила да не е во изолација. Само што полицискиот час им го помести ,,работното" време. Фотографијата е направена вечерва половина час пред почетокот на полицискиот. И овој занает трпи штети зашто покрај изолацијата, веќе не навраќаат ни муштериите од Грција. 

Основното училиште „Коле Канински“ - Битола почна со спроведување онлајн настава и учење од дома кај учениците за време на принудниот распуст поради пандемијата на Ковид-19. Во онлајн едукацијата се вклучени сите наставници, и одделенските и предметните.

Зоран Мирчевски, директор на училиштето, вели дека иако наставниците и учениците се соочени со предизвици, сепак тие успешно се справуваат со ситуацијата. Како што вели тој, иако ова не е ништо слично како редовната настава, сепак учениците ќе имаат некаков ангажман додека седат дома.

- Наставниците од „Коле Канински“ неодамна почнаа со онлајн настава преку онлајн платформа и преку различни платформи за комуникација. На тој начин можеме да го продолжиме воспитно-образовниот процес за учениците - рече директорот Зоран Мирчевски.

Тој додава дека ваквиот вид на настава дава придобивки како што е континуитет во учењето и задржување на навиките за учење.

- Преку онлајн наставата ќе ги минимизираме последиците од прекинувањето на наставата поради Ковид-19. Им порачувам на сите ученици да се вклучат колку што можат повеќе во онлајн наставата затоа што ќе им донесе големи придобивки - вели директорот Мирчевски.

Владата донесе одлука  забраната за движење во деновите на викендот, односно во сабота и недела, да  започнува во 16:00 часот и ќе трае до 05:00 часот.

Основното јавно обвинителство Битола поднесе Предлог за определување казнен налог против едно лице за кривично дело nепостапување според здравствените прописи за време на епидемија од член 206 став 1 од Кривичниот законик.

Обвинетиот 32-годишник, на 24 март околу 22:00 часот бил затекнат како се движи по улица „Илинденска“ во Битола, со што не ги почитувал донесените прописи и мерки за спречување и сузбивање на коронавирусот COVID-19 и забраната за движење на населението во периодот од 21:00 до 05:00 часот.

Влезовите на повеќе колективни згради во Битола денеска беа дезинфицирани, исто како и јавни површини, паркинзи и пристапни патеки. Акцијата за дезинфекција на градските населби продолжи и денеска информираат од Општина Битола. 

-Општина Битола до денес нема пријавен случај на заболени од корона вирусот. Но, почитувани граѓани, реалноста е таа, во секој момент е можно и Битола да се најде на листата на градови во кои вирусот е регистриран. Затоа е важно сите заедно да се избориме со овој предизвик. Во меѓувреме, Општина Битола продолжува со дезинфекција на градските населби. Така, денес екипите на битолските јавни претпријатија „Комуналец“, „Водовод“,„ Нискоградба“ и „Пазари“, работеа на терен и целосно се изврши дезинфекција во станбените објекти и паркинг просторот, пешачките патеки и коловозите на улиците „Партизанска“, „Питу Гули“, „Север-југ“. „Мирка Гинова“, „Борис Буџевски“ и населбата „Областа“. ЈП Пазари тековно работи на одржување и дезинфекција на двата пазари во градот, информираат од Општина Битола.

Епидемиологот д-р Тони Коњановски од Центарот за јавно здравје во Битола, на својот ФБ профил објави информативен статус за последиците и ефектите од нападот на коронавирусот, кој ви го пренесуваме интегрално

Последиците и ефектите од Нападот на вирусот најчесто ќе се почувствуваат помеѓу петиот и четиринаестиот ден од периодот на инкубацијата. Се започнува некарактеристично како настинка, прелада или грипозна состојба вообичаена за многу вирусни заболувања во овој период од годината.

-фебрилност (зголемена телесна температура и треска), еден од првите и најчести симптоми со варијации од субфебрилност (нешто над 37С) до високи температури над 38,5С

-замор, малаксалост, главоболка и болка во мускулите се неспецифични знаци карактеристични и кај многу други инфективни заболувања.

Со оглед на тоа дека плуќата т.е дишните органи се цел на нападот и инавазијата на вирусот, следат,

-Јака болка во грлото

-кашлица, начесто сува, надразителна која покасно предизвикува и болка при кашлањето.

-кај половина од пациентите се појавува и диспнеа (недостаток, глад за воздух), а
околу 60% од пациентите имале и лимфопенија (ниска концентрација на лимфоцити).

-хемоптиза (искашлување на крв) и дијареа можат но не мора да се појават.

-Кај 80% од заболените, болеста поминува со лесна клиничка слика: температура, кашлица, без бронхопневмонија или со лесно воспаление на плуќата, со комплетно опоравување на заболениот.

-Кај 14% од пациентите болеста се манифестирала со тешка масивна пневмонија, диспнеа, болки во градите и промени во снимките на градниот кош.

-Кај 6% од заболените, Како последица на инфекцијата може да се појават и компликации какошто се акутен респираторен дистрес синдром (анг. acute respiratory distress syndrome, ARDS), RNAaemia (слично на viraemia – позитивен PCR наод во плазма), акутен инфаркт, како и секундарни инфекции, што многу често доведува до летален исход, напиша д-р Тони Коњановски, од Центарот за јавно здравје во Битола 

Д-р Вангел Нечевски, битолчанец кој работи на Клиниката за пулмологија и алергологија во Скопје, деновиве е напомош на тимот лекари кои се во кризното жариште во Дебар, град кој засега е единствен во државата што е во карантин. Нечевски заедно со неговиот колега Зекири Шаини, се огласија преку фб профилот на Лекарската комора и порачаа:

Меѓу лицата кои досега се ставени во корантин, а доаѓаат од странство нема трудници. Доколку се појави бремена жена која треба да биде сместена во карантин за секој случај ќе се делува индивидуално во консултација со гинеколог, рече министерот за здравство Венко Филипче на прашање поставено д Апла.мк. Прашањето беше поставено од читатели на нашиот портал. 

Неколку полициски екипи  и едно такси возило, тоа е се што екипата на апла.ми вечерва затекна на обиколката низ градот по 21 часот, за време на полицискиот час.