Во последните 24 часа се направени 1648 тестирања, а регистрирани се 383 нови случаи на ковид-19 во:

Во текот на вчерашниот ден од страна на Државниот пазарен инспекторат (ДПИ) во повеќе градови во државaта се извршени вкупно 36 надзори и 488 контроли во угостителски објекти согласно Законот за угостителска дејност, Законот за заштита од пушењето и здравствените протоколи (дозволено растојание, распоред и број на маси, итн) за отворање и работа на угостителски објекти.

При тоа, во дел од угостителските објекти се утврдени неправилности во делот на непочитување на здравствените протоколи, непочитување на работното време и прекршување на Законот за заштита од пушењето, поради што ДПИ ќе поднесе:

• 12 кривични пријави за непочитување на здравствените протоколи во угостителски објекти во Скопје, Охрид, Битола и Кичево.
• 2 прекршочни постапки за затекнати нерегистрирани објекти во Скопје и Тетово
• 1 прекршочна постапка за непочитување на работно време во објект во Кичево.
• 1 прекршочна постапка за прекршок по Законот за заштита од пушењето во објект во Скопје.
• 1 непостапување по издадено rешение за привремена забрана за вршење дејност од страна на објект во Битола, за што ќе следи физичко запечатување на истиот со пломба.

Делегација предводена од градоначалничката на Општина Битола Наташа Петровска, претставници на Советот на Општина Битола, ОО на Сојузот на борци Битола и од СДСМ-Битола, положија свежо цвеже на возобновениот Меморијален споменик од НОБ во селото Бистрица.

На барање на локалното население и на Сојузот на борци, Општина Битола изврши санација на меморијалниот споменик што опфаќаше санација на постоечкиот споменик и целосно уредување на просторот околу него, со поставување на бехатон плочки на патеките, чистење на одводните канали, поставување на канделабри, клупи и хортикултурно уредување на целиот простор. За санација на споменикот и паркот, Општина Битола инвестираше 1.801.696 денари.

„Почитта кон оние коги што го дадоа најсветото, сопствените животи, не се искажува само со еден ден, еден подарок, со поставување цвеќе пред спомен обележјата. Оваа локална самоуправа покажа дека почитта треба да се негува постојано, а тоа е најдобар пример со возобнувањето на овој споменик и на тој начин дава придонес кон зачувувањето на споменот на оние од минатото, кои што се најзаслужни за нашата слобода. Не само што го возобновивме споменикот, извршивме реконструкција, туку и целосно се изврши хортикултурно уредување на овој дел околу споменикот во Бистрица, каде што многу често сега навраќаат и битолчани. Навраќа и месното население, се дружат и на тој начин го сочувуваат споменот за се што се случувало во минатото. Само така, како народ, можеме да покажеме дека врдностите кои што се негуваат од историјата, можеме да ги сочуваме, а со тоа и да се сочуваме себе си“, порача градоначалничката Петровска.

Свечениот чин беше збогатен и со настапот на младиот Огнен Радуловиќ, кој ги воодушеви присутните со изведба на македонска композиција на гајда.

Споменикот на НОБ во Бистрица го симболизира Вториот реонски комитет на Комунистичката партија на Битола и Битолско и има големо значење за регионот, историјата и антифашистичката борба.

По повод 79 годишнината од 11 Октомври кога  предците ја започнаа народната борба за слобода, а со придржување до строгите мерки на заштита и по зададените протоколи од Министерството за здравство, во Битола на неколку локации се одбележа еден од најзначајните датуми во македонската историја, Денот на востанието. 

Свежо цвеќе пред споменикот на загинатите борци пред Центарот за култура во Битола положија градоначалничката на Општина Битола Наташа Петровска, претставници на Советот на Општина Битола, Општинскиот сојуз на борците, претставници на политичките партии СДСМ и ВМРО-ДПМНЕ.

Делегација предводена од заменик градоначалничката Емилија Костурски, претставници на Советот на Општина Битола и Општинската организација на Сојузот на борците од Битола, подолжија свежо цвеќе на партизанските гробишта, со што им оддадоа почит на сите народни херои, кои ги положија животите во Втората светска војна, за слободна и независна држава.